Qazanda Näwrüz qotlandı

Çarada törki dönya wäkilläre oçraşıp, milli aşların peşerde, biyülär biyede

937467
Qazanda Näwrüz qotlandı

Turktatar.com säxifäse beldergänçä Qazanda Näwrüz bäyräme qotlandı. 170tän artıq millät yäşäwçe Tatarstanda törki dönya wäkilläre oçraşıp, milli aşların peşerde, biyülär biyede.

Yaz simvolı bulğan Näwrüz bäyräme 24 mart könne Qazan ippodromı qarşında oyıştırıldı. Çarada Törkiyäneñ Qazandağı konsulı Äxmät Sadık Doğan, Tatarstan Mäclese başlığı Färit Möxämmätşin häm şaqtıy çit il qunaqları belän qazanlılar qatnaştı.

Färit Möxämmätşin bäyräm açılışında yasağan çığışında törkilärneñ iñ êlekke bäyrämnäre bulğan Näwrüzneñ YUNESKOnıñ tögäl bulmağan mädäniyät mirası isemlegendä urın aluın häm 21 martnıñ BMO tarafınnan Xalıqara Näwrüz bäyräme bularaq iğlan itelüen citkerde.

Mäcles başlığı Näwrüz bäyrämeneñ Tatarstannıñ küp millätle xalqı mädäniyäteneñ iñ qimmätle êncese üzençälegendä buluın, cömhüriyättä 170tän artıq millätneñ tınıçlıq êçendä yäşäwen xäterlätte.

Bäyräm törle çaralar häm milli aş-sularnıñ täqdim itelüe belän azağına yaqınlaştı.



Bäyläneşle xäbärlär