Urta Aziya İlbaşları Astanada cıyıla
Urta Aziyä Däwlät başlıqları kiñäşmä cıyılışı atnakiçen (pänceşämbe könne) Qazaqstan başqalası Astanada uzaçaq
Qazaqstan İlbaşı idaräse matbuğat süzçese Aydos Ukibay yasağan belderüendä İlbaşı Nursoltan Nazarbayev räislegendä ütkäreläçäk cıyılışta Qırğızstan, Tacikstan, Törekmänstan häm Üzbäkstan Däwlät başlıqlarınıñ qatnaşaçağın äytte.
Ukibay: “Biş yaqlı söyläşüneñ Urta Aziya illäreneñ urtaq bäyräme Näwrüz aldınnan uzdırıluı bik zur ähämiyätkä iyä”, - dip basım yasadı.
Cıyılışnıñ kön tärtibe turında mäğlümat birmäwçe Ukibay Törekmänstan İlbaşı Qurbanqulu Bärdimöxämmädovnıñ monnan aldan planlaştırılğan yuğarı däräcäle çaraları arqasında cıyılışta ilne Parlament başlığı Aqça Nurbärdiyevanıñ wäkillek itäçägen citkerde.
Tacikstan İlbaşı Ämomali Rahmonnıñ çärşämbe könne Qazaqstanğa räsmi säfär yasayaçağın äytüçe Ukibay vizit qısalarında ike yaqlı, regional’ häm xalıqara könüzäk mäs’älälärneñ söyläşeläçägen assızıqladı.
