Nazarbayev Tramp belän küreşkän

Qazaqstan ilbaşı Nursoltan Nazarbayev Aq Yortta Amerika Quşma Ştatları ilbaşı Donal’d Tramp belän küreşep söyläşkännän soñ urtaq matbuğat oçraşuı ütkärelgän.

Tramp Qazaqstannı AQŞnıñ iñ möhim berlektäşlärennän häm iq’tisadi partnyerlarınnan  berse buluın beldergän , Könyaq-könçığış Aziya strategiyälärendä Qazaqstannıñ rolenä basım yasağan.

AQŞnıñ Äfganstanda terror oyışmalarına qarşı alıp barğan operaśiyälär qısasında Qazaqstan kürsätkän yaqlawnıñ kritik buluın beldergän Tramp bu yaqlawnıñ däwam itüen telägän.

Tön’yaq Koreyanıñ atom –töş qorallarınnan arındırıluı barışı belän bäyle diplomatik adımnarda Qazaqstannıñ öleşenä zur ähämiyät birülären beldergän Tramp AQŞ belän Qazaqstan arasındağı iq’tisadi mönäsäbätlärneñ dä könnän kön tiränäyä baruın assızıqlağan.

Qazaqstan ilbaşı Norsoltan Nazarbayev Tön’yaq Koreyanıñ atom –töş êşçänlekläre belän bäyle barışta Amerika Quşma Ştatları xätle Qıtay häm Rusiyäneñ dä möhim aktyerlar buluın beldergän.

Nazarbayev  qayçandır üzläreneñ dä atom-töş qorallarına iyä buluın ,ämma alardan üz teläkläre belän waz kiçülären citkergän.