Qırğızstan parlament başlığı wazıyfasınnan kitkän

Qırğızstan parlament başlığı Çınıbay Tursunbäkov wazıyfasınnan kitüen beldergän.

Tursunbäkov monnan soň säyäsi tormışın xalıq ışanıçlısı bularaq däwam itteräçägen citkergän.

Ğomum şurada sawbullaşu çığışı yasağan Tursunbäkov tübändägelärne citkergän:” Qırğızstanda ilbaşı saylawı uzdı. İlbaşı wazıyfası tınıç şartlarda tapşırıılaçaq. Bu tradiŝiya barlıq däwlät organnarında däwam itŝä Qırğızstanda demokratiya alğa kitäçäk. İlbaşı saylawınnan soň barlıqqa kilgän “qaynar säyäsi atmosferanı” kimetü öçen wazıyfadan kitärgä buldım”.

İldä 15 nçe oktyabr’dä ütkärelgän ilbaşı saylawında qatnaşırğa telägän Tursunbäkovnıň kandidat namzätlegen üze äğ’za bulğan xakimiyättäge Soŝial’ demokrat partiyäse qabul itmägän.

Tursunbäkov partiya kongressında partiya citäkçelegenä reakŝiya beldergän.

İlbaşı saylawında Soŝial’ demokrat partiya namzäte Sooronbay Cäänbäkov ciňügä ireşkän ide.