Törekmänstanda 5 nçe Aziya uyınnarı uza

Çara iskitkeç açılış tantanası belän başlanıp kitte

809802
Törekmänstanda 5 nçe Aziya uyınnarı uza

Törekmänstanda 5 nçe Aziya uyınnarı başlandı.

 17 nçe sentyabr’dä Aşxabadta uzğan räsmi açılış tantanasında 7 meň tiräse keşe qatnaşuı belderelde.

2010 nçı yıl azağında nigez salınğan  olimpiada qorılmaların törek şirkäte tözede häm ul 15 ayırım sport qorlmasın üz êçenä ala.

5 nçe Aziya uyınnarın açu tantanasında kürşe Aziya illäre däwlät başlığı däräcäsendä qatnaştı.

 Qazaqstan däwlät başlığı Nursoltan Nazarbayev, Äfganstan däwlät başlığı Äşräf Gani, Üzbäkstan däwlät başlığı Şäwkät Mirziyayev, Paqıstan däwlät başlığı Mämnun Xösäyen, Tacikstan däwlät başlığı Êmomali Rahman älege çaranıň açılış tantanasında qatnaşu öçen Aşxabadqa kilde.

 Kürkäm çarada qatnaşuçılar arasında Tatarstan,Moldova häm Ärmänstan ilbaşları da bar ide.

 Açılış tantanasında şaqtıy ildän xökümät wäkile häm sport belän bäyle räsmi zatlar da qatnaştı.

 Çarada Törkiyäne yäş’lär häm sport ministrı Osman Aşkın Bak wäkillek itte.

 İskitkeç çığışlar belän ürelep barğan açılış tantanasında Törekmänstan däwlät başlığı Gurbanguli Bärdimöxämmadovtan soň Aziya olimpiada komitetı başlığı Şäyh Äxmät Äl Fahad Äl Sabah çığış yasadı.

5 nçe Aziya uyınnarında yaqınça 6 meň sportçı 21 sport törendä tir tügäçäk. 

Çara 27 nçe sentyabr’gä qadär däwam itäçäk.

Biredäge kompleks êçendä urın alğan häm olimpiada stadionın bizäwçe at başı häykäle belän su sportları üzäge Ginnessnıň rekordlar kitabına kertelde.



Bäyläneşle xäbärlär