Kiril alfavitınnan latın alfavitına küçärgä äzerlängän  Qazaqstanda yaňa älifba proyektı parlamentqa tapşırılğan.

Bu xaqtağı parlament utırışında kabinet äğ’zaları, ğalimnär häm tel belgeçläre qatnaşqan. 

Utırışta çığış yasağan Qazaqstan parlament başlığı Nurlan Nigmatullin milli üzaň,ruxıy qimmätlär häm iq’tisadi qalqınu yulınıň yaňa qazaq tele alfavitın buldıru belän başlanaçağın beldergän.

Qazaqstan mädäniyat häm sport ministrı Arıstanbäk Muhamädiulı latin alfavitına küçü äzerlekläreneň 6 yıl êlek başlanuın häm bu barışta törle çaralarda bäxäslärneň däwam itüen citkergän.

Yaňa alfavitnı äzerläwçelärdän Baytursınov isemendäge tel ğıylemnäre institutı mödire Kajıbek Ärdän Zadaulı alfavitnıň êtaplı räweştä ğamälgä kerteläçägen häm bu barışta qıyınlıqlar kötelmäwen äytkän.

Törki akademiya başlığı Darhan Kıdıralı tuğandaş illär täcribälären tikşerep öyränülären , latin xärefläreneň urtaq tyurkologiya alfavitı buluın häm latin älifbasınıň qazaq tele fonetikasına turı kilüen belderde.  

Kiril alfavitınnan latin alfavitına küçärgä äzerlängän Qazaqstan 2018 nçe yıldan başlap mäktäplärdä däresleklärneň latin älifbasında basıluın maqsat itep quya.