“Kipr söyläşüläre 11 nçe aprel’dä qabat başlanaçaq”
Bu xaqta Tön’yaq Kipr Törek Cömhüriyäte ilbaşı Mostafa Akıncı beldergän
Tön’yaq Kipr Törek Cömhüriyäte ilbaşı Mostafa Akıncı Kipr söyläşüläreneñ 11 nçe aprel’dä qabat başlanaçağın beldergän.
Ul bu xaqta Bel’giya başqalası Bryussel’dä Berläşkän Millätlär Oyışması ğomum särqätibe Antonio Guterres belän küreşep söyläşkänän soñ yasağan belderüendä citkergän.
Mostafa Akıncı Kipr söyläşüläreneñ Kön’yaq Kipr grek yağınıñ enozis yılllığınıñ mäktäplärdä qotlanuı qararınnan soñ tuqtawın xäterlätkän.
Akıncı BMOnıñ Kipr maxsus wäkile Êspen Bart Êyde ximayäsendä 2 nçe aprel’dä ütkärelgän aş mäclesendä bu xaqta kileşü täêmin itelüen , ike yaqnıñ da 11 nçe aprel’dä söyläşülärgä kereşergä äzer buluın äytkän.
Mostafa Akıncı belän Nikos Anastasiadis arasında 2015 nçe yılnıñ may ayınnan birle däwam itkän söyläşülär qısasında 16 nçı fevral’däge oçraşuda Anasdasidis östälgä qatı itep suğıp söyläşü östäle artınnan torıp kitkän ide.
Akıncı da enozis qararınnan kiregä adım yasalmıyça torıp söyläşülärdä qatnaşmayaçağın beldergän ide.
