Taşkenttağı Törkiyä ilçelegendä qabul itü

Üzbäkstan-Törkiyä diplomatik mönäsäbätläreneñ 25 yıllığı qotlanğan

693385
Taşkenttağı Törkiyä ilçelegendä qabul itü

Törkiyä belän Üzbäkstan arasındağı diplomatik mönäsäbätlär qorıluınıñ 25 yıllığı Taşkenttağı Törkiyä tulı wäqalätle ilçelegendä oyıştırılğan qabul itüdä qotlanğan.

Törkiyäneñ Taşkenttağı ilçese Äxmät Başar Şän tarafınnan oyıştırılğan qabul itüdä Üzbäkstan premyer-ministrı Abdulla Aripov häm üzbäk räsmi zatları qatnaşqan.

Törkiyä häm Üzbäkstan milli gimnnarı yañğırağannan soñ başlanıp kitkän qabul itüdä çığışın üzbäk telendä yasağan ilçe Şän Törkiyäneñ Üzbäkstannıñ bäysezlegen tanığan berençe il buluın citkergän.

Şän tübändägeçä däwam ittergän: “Üzbäk xalqınıñ bäysezlegen qazanuı belän atalarıbıznıñ watanı bulğan bu cirlärdä qardäş xalıq bayrağının qabat kütärelüe belän ber tarix säxifäse yabıldı, yaña yaqtı çor açıldı.”

Üzbäkstan premyer-ministrı Abdulla Aripov ta qabul itüdä yasağan çığışında Üzbäkstan däwlät başlığı Şäwkät Mirziyoyev isemennän Üzbäkstan-Törkiyä arasındağı diplomatik mönäsäbätlärneñ 25 yıllığın qotlağan.

Qabul itü çarasında üzbäkstanlı räsmi zatlar Taşkentta wazifa baqşaruçı çit il diplomatik missiya wäkilläre belän ber rättän şaqtıy qunaq qatnaşqan, qunaqlarğa törek aş-suları da täqdim itelgän.



Bäyläneşle xäbärlär