Xocalı qorbannarı iskä alındı

Xocalı küpläp üterelüeneñ qorbannarı iskä alındı

680335
Xocalı qorbannarı iskä alındı

Azärbaycan başqalası Baqıda Xocalı küpläp üterelüeneñ 25 yıllığı mönäsäbäte belän İlbaşı İlham Aliyev häm yuğarı däräcäle däwlät dairäläreneñ dä qatnaşuında yöreş häm cıyın oyıştırıldı.

“Azadlıq” mäydanında başlanğan häm däwlät räsmiläre belän bergä meñnärçä keşe qatnaşqan yöreştä küpläp üterü qorbannarının fotosürätläre urnaştırılğan bannerlar alıp barıldı.

Küpläp üterüdän isän qala alğan Xocalılılar häm häläq buluçılarnıñ tuğannarı da häykäl yadqärlegen ziyarät qıldı. Şähit yaqınnarı häm watandaşlardan qayberäwläre doğa qılğan bulsa, qayberäwläre dä 25 yıl êlek yäşängän qayğılı waqiğanı xäterläp, küz yäş’lären tota almadı.

Törkiyäneñ Baqı tulı wäqalätle ilçese Ärkan Özoral, ilçelek xezmätkärläre häm Baqıdağı Törkiyä oyışmalarının wäkilläre dä “Ana färyadı” memorialına barıp, Xocalı küpläp üterüeneñ qorbannarın iskä aldı.

İlçe Özoral soñınnan yasağan belderüendä monnan 25 yıl êlek gäyepsez 613 keşeneñ barı tik azärbaycan bulğanı öçen genä wäxşilärçä küpläp üterelüen äytte.

Xocalılı 150 keşeneñ yazmışınıñ äle haman bilgesez buluın xäterlätüçe Özoral: "Bu qardäşlärebezneñ qannarı, älbättä, cirdä qalmayaçaq. Ğadälät ber kön urnaşaçaq. Azärbaycan cirlärenä qabat qawışmıy torıp, tuğan cirsez qalğan 1 millionnan kübräk qaçqın kire qaytmıy torıp bu ğadälätsezlek könnär uzğan sayın zurayaçaq”, - dip äytte.



Bäyläneşle xäbärlär