Qırğızstanda Törkiyä oçqıçı qazası

Qazada 37 keşeneñ yaqtı dönyadan kitüe belderelgän

651885
Qırğızstanda Törkiyä oçqıçı qazası

Qırğızstanda Törkiyä yök oçqıçınıñ hawa mäydanına yaqınayğan waqıtta kilep töşüe näticäsendä 37 keşeneñ ğomere özelgän.

Qırğızstan premyer-ministr urınbasarı Muhambetkalıy Abulkaziyev Hong Kong – Bişkäk säfären çınğa aşıruçı yök oçqıçınıñ cirle säğat belän irtänge 7.30da Bişkäk yanındağı ber awılğa kilep töşüen beldergän.

Qırğızstannıñ sälamätlek saqlaw ministrlığı ülüçelärneñ kübeseneñ oçqıç kilep töşkän töbäktä yäşäwçe qırğızlar buluın açıqlağan.

Yaqtı dönyadan kitkän 4 êkipaj personalınıñ isä törek buluları bilgelängän.

Yaralanğan 6 keşe isä hastaxanägä salınğan.

Oçqıç kilep töşkän awılda 15 bina zıyan kürgän.

Qazadan soñ Bişkäktäge Xalıqara Manas aêroportınıñ waqıtlıça transport xäräkätenä yabıluı belderelgän.

Hong-Kong – Bişkäk säfären çınğa aşıruçı Boeing 747 törendäge oçqıçnıñ ACT Hawa yullarına bäyle buluı, yağulıq alu öçen cirgä yaqınayğanda tiskäre hawa şartları arqasında kilep töşüe açıqlandı.

Qırğız räsmi zatları pilotlarnıñ aşığıç xäl xäbären birmäwlären, läkin oçqıç cirgä yaqınayğanda toman arqasında kürü yıraqlığınıñ 150 metr buluın äytkän.



Bäyläneşle xäbärlär