“Min Qazanda yäşäwemä şat"

Törkiyäneñ Tatarstandağı baş konsulınıñ êş srogı ber yılğa ozınaytıldı

636339
“Min Qazanda yäşäwemä şat"

Törkiyäneñ Tatarstandağı baş konsulı Turhan Dilmaç üz sosial’ media säxifäsennän beldergänçä, anıñ Qazandağı êş srogı ber yılğa ozınaytıldı.

Baş konsül êş waqıtınıñ ozınaytıluı Tatarstandağı zur külämle iqtisadi häm mädäni proyektlar belän bäyle.

Turhan Dilmaç: “Teläsä nindi êştä “irtägä êşeñnän kitärgä mömkinlek buluın da, qalırğa mömkinlek buluın da” isäpkä alıp xezmät itärgä kiräk. Härwaqıt Qazanda qalaçaqmın kebek itep êşlädem,” – dip belderde.

“Bezneñ Törkiyä-Rusiyä mönäsäbätläre xezmättäşlege yünäleşendä zur mömkinleklär bar. Bügengä qadär küp äyber êşlände, läkin tağın da êşlärgä kiräk. Min şuşı mömkinleklär barlığın äyttem. Minem üzemneñ Qazanda qaluğa mönäsäbätemne soradılar, min şunda uq “räxätlänep” dip cawap birdem. Şuna kürä tağın ber yıl Qazanda qalaçaqmın,” – dide ul.

Turhan Dilmaç kiläse yılda Törkiyägä qaytırğa niyätli, ämma ul qazan belän aralarnı özmäyäçägen belderde.

“Min Qazanda yäşäwemä şat,” – dide ul.



Bäyläneşle xäbärlär