Qırğızstanda yaña xökümät tözelä

Qırğızstanda yaña xökümätne “Sośial’ demokrat” partiyası töziyäçäk

597811
Qırğızstanda yaña xökümät tözelä

Qırğızstan İlbaşı Almazbäk Atambaev “Sośial’ demokrat” partiyäseliderı İsa Omurqulovnı koaliśiya xökümäten tözü belän wazıyfalandırğan.

Atambaev İlbaşı sarayında qabul itkän Omurqulovqa koaliśiya xökümäten oyıştıruı öçen wäqalät birgän.

İsa Omurqulovnıñ 17nçe noyabr’gä xätle koaliśiyanı oyıştırıp, Premyer-ministr häm Ministrlar Şurasın bilgeläp, Parlament ğomum şurasınıñ raslawına täqdim itüe kiräk.

120 xalıq ışanıçlısınnan torğan Qırğızstan parlamentında “Sośial’ demokrat” partiyäse, “Ata-Curt cömhüriyät” partiyası, “Qırğızstan” partiyäse, “Alğarış häm qalqınu” partiyası belän “Sośialist Ata Mäkän” partiyası bar.

“Sośial’ demokrat” partiyasınıñ parlamenttağı 4 partiyadan kim digändä öçese belän koaliśiyanı tözüe zarur.

Yaña koaliśiya xökümätennän kiläse yılda ütkäreläçäk ilbaşı saylawına qädär iqtisadnı canlandıruı, totrıqlılıqnı saqlap qaluı, 2013-2017 strategik iqtisad planın tormışqa aşıruı häm töp qanun (konstituśiya) referendumın uzdıruı kötelä.

İlbaşı Atambaev qoruçı lider bulğan “Sośial’ demokrat” partiyası monnan aldağı könne, töp qanun referendumına qarşı çıqqan koaliśiya äğzase “Sośialist Ata Mäkän” partiyası belän artıq êşli almayaçağın belderep, koaliśiyadan ayırılğan ide.



Bäyläneşle xäbärlär