Azärbaycan başqalası Baqınıñ azat itelüenä 98 yıl
Azärbaycan başqalası Baqınıñ azat itelüeneñ 98 yıllığı qotlana
1918nçe yılnıñ 15nçe sentyabr könne Nuri Paşa citäkçelegendäge Qavqaz İslam ğaskäre Baqını doşman yawınnan qotqara.
Bu möhim köndä Qavqaz İslam ğaskäre tağın ber märtäbä iskä alındı.
1918nçe yılda Azärbaycan başqalası Baqı ärmän, urıs häm ingliz yawı astında bula.
Ğosmanlı däwläte 1nçe Bötendönya suğışında küp sanda frontta suğışuına qaramastan qardäş, tuğandaş ilgä yärdäm itüdän taypılmıy.
Azärbaycanğa yärdäm öçen tözelgän Nuri Paşa citäkçelegendäge Qavqaz İslam ğaskäre 4 aylıq xäräkät näticäsendä Baqını doşman yawınnan azat itä.
Qavqaz İslam ğaskäreneñ ber meñ 130 ğaskäriye Azärbaycan cirlärendä watan öçen şähit bula.
Azärbaycan xalqı bu qaharman ğaskärne (armiyanı), batır ğaskärilärne berqayçan da onıtmadı.
Azat itelüeneñ 98 yıllığında başqala Baqıda törek şähitläre ziratında cıyın oyıştırıldı.
Törkiyäneñ Baqı ilçelege kiñäşçese Märal Barlas, Baqıdağı törek oyışmalarınıñ wäkilläre häm azärbaycannar bäysezlek öçen şähit bulğan xärbilärne Törek şähitläre ziratında iskä aldı.
Bäyläneşle xäbärlär
Qazaqstandağı su basularda küpme keşe ülde?
Qazaqstandağı su basularda 5 keşe ülde, yuğalğan 2 keşene êzläw êşläre däwam itä
