Qırğızstanda Küçmä uyınnar tögällände

2016nçı yılnıñ sentyabr’ ayında Çolpon-Ata, Isık kül töbägendä yaña tözelgän ippodromda oyıştırılğan İkençe Bötendönya küçmä uyınnarnı yomğaqlaw tantanası ütkärelde.

Çit il häm cirle yoldızlar qatnaşqan konśerttan soñ Qırğızstan Premyer-ministrı Sooronbay Jeenbekov İkençe Bötendönya küçmä uyınnarnıñ yabıluın iğlan itte.

Premyer-ministr Sooronbay Jeenbekov İkençe Bötendönya küçmä uyınnarınıñ küçmä śivilizaśiyanıñ barı tik sport êşçänlegen genä tügel, mädäniyäten dä saqlawnı häm üsterüne maqsat itüen äytte.

Premyer-ministr fikerençä, İkençe Bötendönya küçmä uyınnarı dönya xalıqlarınıñ üz illäreneñ uyınnarın, ğoref-ğadätlären häm mädäniyäten kürsätüneñ global’ mäydanına äylänäçäk.

Jeenbekov: "Bötendönya küçmä uyınnarı obrazlı räweştä, küçerelmäle mäğnädä küçmä xalıqlarnıñ uzğanlığı, xäzergese häm kiläçäge öçen tiñsez oçraşu urını bulaçaq”, - dip äytte.

Premyer-ministr bu uyınnarnıñ atalarnıñ istälege belän bäyle çara ğına bulmawın, xalıqlar arasında ike yaqlı añlayışnıñ, global’ xezmättäşlekneñ üsterelüen häm dönyada tınıçlıq belän totrıqlılıqnıñ köçäytelüen maqsat itep alğan adım buluın assızıqladı.

3nçe-8nçe sentyabr könnärendä Qırğızstannıñ êncese bulıp sanalğan Isık küle buyında sportnıñ 26 törennän torğan yarışlar, bäygelär uzdırıldı. Yarışlarda dönyanıñ 62 ilennän sportçılar qatnaştı. Yarışlar Çolpon-Atadağı ippodromda, Qırçın cäyläwendä, "Avrora" sanatoriumında häm Fizkul’tura häm sälamätlek saqlaw üzägendä oyıştırıldı. Sportçılar 387 medal’ öçen köç sınaştı.

Näticädä 25 altın, 25 kömeş häm 29 bronza belän bergä barlığı 79 medal’ yawlap berençe urınnı Qırğızstan aldı. İkençe urında 15 altın, 3 kömeş häm 6 bronza belän bergä cämğise 24 medal’ belän Törekmänstan buldı häm öçençelekne 12 altın, 12 kömeş häm 13 bronza belän bergä 38 medal’ga layıq bulğan kürşe il Qazaqstan qazandı.

Törkiyä 1 altın medal’ne at sırtında cirit uyınında ciñep, 10nçı buldı.

Uyınnarnı törle illärdän 500dän kübräk jurnalist küzätep bardı.