Cämilädä Törkiyägä xuplaw
Facebook xisabınnan törekçä açıqlaw yasağan
Cämilä Fätullahçı terror oyışması/parallel’ däwlät qorılışınıñ tüntäreleş kereşüenä reakśiya bularaq Facebook xisabınnan törekçä açıqlaw yasağan.
Yevrovideniye cır bäygesendä “1944” isemle cırı belän berençelekne yawlağan Cämilä Qırım tatar bularaq törek xalqınıñ 15nçe iyul’ könge tüntäreleş kereşüe tönendä keçesennän alıp olısına qadär uramğa çığuı belän ğorurlanuın äytkän.
Törkiyädä 15nçe iyul’ tönendä barlıqqa kilgän tüntäreleş kereşüeneñ üzen bik täêsirläwen beldergän Cämilä İstanbul häm Änkaradağı waqiğalarnı irtängä qadär küzätep barğanda üz küzlärenä ışana almawın açıqlağan.
Ul waqıtta berkemneñ dä zıyan kürmäwe öçen doğa uquın beldergän Cämilä törek xalqı yanında buluın muzıka yärdämendä kürsätü öçen 17nçe avgust könne İstanbulda konśert quyaçağın beldergän.
Cämilä xis-toyğıların tübändäge süzlär belän açıqlağan: “Törkiyädä qısqa waqıtta härnärsäneñ cayğsa salınuın telim. Sezne yaratam, Törkiyä! Kötegez mine”.
Şveśiya başqalası Stokgolmda bıyıl 61nçese oyıştırılğan Yevrovideniye cır bäygesendä Qırım tatar sörgene häm äbise kiçergän tragediyane añlatuçı “1944” isemle cırı belän Qırım tatar cırçısı Cämilä Ukraina isemennän qatnaşqan ide. Finalğa çıqqan Cämilä 534 ball belän ciñüçe buldı.
