Qırım tatar sörgenenä 72 yıl
Qırım tatarlarınıñ Rusiyä tarafınnan sörgengä cibärelüeneñ 72 yıllığı Ukrainada oyıştırılğan cıyında iskä alınğan
493757
Başqala Kiyevda sörgendä yaqtı dönyadan kitüçelär öçen cıyın uzdırılğan.
Yözlärçä keşe Kiyevdağı Azatlıq mäydanında 72 yıl elek cirlärennän quılğan Qırım tatarları öçen cıyılğan.
1944nçe yılğı sörgendä ğomere özelüçelär öçen oyıştırılğan cıyında Qırımnı yawlap alğan Rusiyägä qarşı plakatlar açılğan.
Çaralar qısalarında çığış yasağan Ukraina däwlät başlığı Petro Poroşenko Rusiyäneñ Qırım tatarlarına qarata säyäsätlären tänqitlägän.
Poroşenko Qırım tatarların saqlawnıñ häm Ukrainanıqı bulğan cirlärne Rusiyä yawlawınnan qotqarunıñ östenlekläre arasında buluın äytkän.
Ukrainanıñ törle şähärlärendä dä iskä alu cıyınnarı oyıştırılğan.