Qarabax mäs'äläse 20 yıl buyı çişeleş kötä

Azärbaycan ilbaşı İlham Aliyev: "Azärbaycan üz cirlären saqlawdan başqa beräwneñ dä cirläre belän qızıqsınmıy"

468938
Qarabax mäs'äläse 20 yıl buyı çişeleş kötä

Ärmänstan yawlap alğan Qarabax 20 yıl buyı çişeleş kötä.

Dönya isä Qarabax mäs'äläsenä iğtibarsız qaluın däwam itterä.

Mäs'älägä çişeleş tabu öçen buldırılğan Awrupa iminlek häm xezmättäşlek oyışmasınıñ Minsk törkeme dä, qalğan xalıqara oyışmalar da basıp aluçı Ärmänstannı çişeleş öçen älegä künderä almadı.

Azärbaycan belän Ärmänstan arasındağı Qarabax bäxäse 1988 nçe yılğa barıp totaşa.

Bu däwerdä Ärmänstannıñ höcümnäre belän başlanğan bäreleşlär Sovetlar Berlege tarqalğannan soñ tağın da tizlände.

1991-1994 nçe yıllarda Azärbaycan belän Ärmänstan arasındağı suğış Qarabaxnı yawlap alu belän tögällände.

Älege basıp alu Azärbaycanğa zur yuğaltular kiterde.

30 meñgä yaqın keşe ülde, Qarabax häm tirä-yağındağı 7 rayon Ärmänstan basıp aluına duçar buldı.

Bu barışta Xankendi,Xocalı,Şuşa,Laçin,Xocevend,Kelbecer,Ağdere,Ağdam,Cebrail,Fuzuli, Kubatlı häm Zengilan öleşçä yäisä tulısınça Ärmänstan tarafınnan basıp alındı.

Öylär yandırıldı, yaqlawçısız tınıç xalıq üterelde.

Azärbaycan xalqı üz cirlärennän sörelde.

1 millionnan kübräk azärbaycan tuğan cirlären taşlap kitärgä mäcbür buldı.

1994 nçe yılda may ayında imzalanğan utnı tuqtatu kileşüe dä ,çişeleş tabu öçen buldırılğan Awrupa iminlek häm xezmättäşlek oyışmasınıñ Minsk törkeme dä tınıçlıq urnaştıra almadı.

Utnı tuqtatu Ärmänstannıñ front sızığındağı höcümnäre näticäsendä daimi räweştä bozıldı.

Front sızığında 2014 nçe yılda qabat köçäygän bäreleşlärdän soñ tizlängän söyläşü barışınıñ yänä näticäse bulmadı.

Ärmänstannıñ basıp aluçı säyäsäte häm utnı tuqtatunı bozuları barışqa zıyan kiterde.

Bu ay başında Ärmänstan köçläreneñ tınıç xalıq yäşäwçe töbäklärne maqsat itep aluı belän bäreleşlär qabat köçäyde.

Azärbaycan armiyäse front sızığında urnaşqan Ärmänstan berleklärenä köçle höcümnär yasadı.

Möhim strategik punktlarnı üz qulına alğan Azärbaycan armiyäse front sızığında da ruxi östenlekkä ireşte.

Älege täräqqiyätlärdän soñ xalıqara dairälär häm Rusiya eşkä kereşte,bäreleşlärneñ dürtençe könendä front sızığında operatsiyälärne tuqtatu qararına kilende.

Azärbaycan söyläşü barışına tağın ber tapqır mömkinlek birde.

İlbaşı İlham Aliyev Ärmänstannıñ basıp alu säyäsäten däwam itterep tınıçlıq häm dialognı bozuların belderde.

Azärbaycannıñ üz cirlären saqlawdan başqa beräwneñ dä cirläre belän qızıqsınmawın assızıqlawçı Aliyev ,Azärbaycan cirlärendä ikençe ber Ärmänstan däwläte buldıruğa röxsät birmäyäçäklären citkerde.

Bäreleşlär häm front sızığındağı utnı tuqtatudan soñ töbäktä kiyerenke kötü barışı xökem sörä.

Ärmänstan yawı astındağı Qarabax isä 20 yıldır çişeleş kötä.



Bäyläneşle xäbärlär