Angliya Kipr söyläşü barışına yaqlawın yañartqan
Angliyäneñ Awrupa Berlege eşlärennän cawaplı tışqı eşlär ministrı urınbasarı:"Akıncı häm törkemeneñ söyläşülärdäge konstruktiv totışın yaqınnan küzätep barabız,bez monnan qanäğät"
463233
Tönyaq Kipr Törek Cömhüriyäte ilbaşı Mostafa Akıncı Angliyäneñ Awrupa Berlege eşlärennän cawaplı tışqı eşlär ministrı urınbasarı Devid Lidington belän telefonnan söyläşkän.
Tönyaq Kipr Törek Cömhüriyäteneñ bu xaqtağı yazma belderüennän kürengänçä, Akıncığa şaltıratuçı Lidington ilbaşı Akıncı häm törkemeneñ söyläşülärdäge konstruktiv totışın yaqınnan küzätep baruların,ileneñ monnan qanäğät buluın citkergän.
Söyläşüdä Akıncınıñ London säfären Angliyädä 23 nçe iyündäge Awrupa Berlege referendumınnan soñ tormışqa aşıru planlaştırılğan.
İlbaşı Mostafa Akıncı barlıq bäyläneşle yaqlar kebek Angliya häm Awrupa Berlegeneñ dä Kipr problemasın çişügä öleş kertüne däwam itterüneñ ähämiyätenä basım yasağan.
