Qazanda “Suğışçı ruxı. Skiflardan alıp − Altın Urdağa qädär” kürgäzmäse açıla

Tatarstan başqalası Qazandağı kürgäzmädä bronza çorınıñ soñğı öleşennän alıp Altın Urda çorına qädär eşlänelgän êksponatlarnı kürergä mömkin bulaçaq.

427034
Qazanda “Suğışçı ruxı. Skiflardan alıp − Altın Urdağa qädär” kürgäzmäse açıla

“Tatar-inform" agentlığı xäbär itüençä, 5nçe fevral' könne “Qazan kirmäne" muzey-tıyulığınıñ Tup işeğaldı muzeyında “Suğışçı ruxı. Skiflardan alıp − Altın Urdağa qädär" dip isemlängän kürgäzmä eşli başlayaçaq.

Rusiyä Federatsiyäseneñ Krasnodar krayı Şabanovskoyı awılı xalıq muzeyı cıyılmalarınnan eşlänelgän kürgäzmädä bronza çorınıñ soñğı öleşennän alıp Altın Urda çorına qädär eşlänelgän êksponatlarnı kürergä mömkin bulaçaq. Alar barısı da Qawqaz tawı sırtı itägendä Quban' yılğası mäydanında tabılğan. Bolar — suğış qoralları, at öçen caylanmalar, bildämälär, bizänü äyberläre, eş qoralları häm başqa tabıldıqlar.

Arxeologik materiallardan tış, kürgäzmädä Çexiyanıñ Masarik isemendäge sänğät akademiyäseneñ şäräfle äğzası Valeriy Bloxinnıñ grafika sänğäte stilendä yasalğan kartinaların kürergä mömkin bulaçaq, diyelä muzeynıñ matbuğat xezmäte xäbärendä.

Fotosürät Wikipedia säxifäsennän alındı.



Bäyläneşle xäbärlär