Qazaqstanda Şanxay cıyılışı

Urtaq matbuğat oçraşuında qabul itelgän qararlar açıqlanaçaq

149040
Qazaqstanda Şanxay cıyılışı

Qazaqstan başqalası Astanada başlanğan Şanxay xezmättäşlek oyışmasında Qazaqstan Premyer-ministrı Massimov häm Şanxay xezmättäşlek oyışması ğomüm särqätibe Dmitriy Mezentsev qabul itelgän qararlarnı urtaq matbuğat oçraşuında açıqlayaçaqlar.

Qazaqstan Bäysezlek sarayındağı cıyılıştan alda Qıtay Premyer-ministrı Li Kiçiang, Rusiyä Federatsiyase Premyer-ministrı Dmitriy Medvedev, Qazaqstan Premyer-ministrı Kärim Massimov, Qığızstan Premyer-ministrı Coomart Otorbayev, Tacikstan Premyer-ministrı Kokhir Rasulzoda, Üzbäkstannıň berençe Premyer-ministr urınbasarı Röstäm Azimov kümäk räsemgä töşkännär. Qıtay, Rusiyä Federatsiyase, Qazaqstan, Qırğızstan häm tacikstan tarafınnan 1996nçı yılda qorılğan Şanxay xezmättäşlek oyışmasına Üzbäkstan 2001nçe yılda quşılğan. Oyışmanıň töp maqsatları – totrıqlılıq häm iminlekneň nığıtıluı, terrorçılıq, separatizm, narkobiznes belän köräş, iqtisadi xezmättäşlek, energetika partnerlığı, fänni häm mädäni xezmättäşlek.

Dönyadağı neft citeşterü häm qullanış bazarınıň yartısınıň kübrägenä iyä illär äğza bulğan oyışmada Hindıstan, İran, Mongoliya häm Paqıstan küzätüçe sıyfatında.


Etiketlar:

Bäyläneşle xäbärlär