30 avgust - Tatarstan Möstäqillege köne

30nçı avgust könne Tatarstanda respublika, cömhüriyät köne bulıp qotlana. Gärçä, soñğı yıllarda bu möhim datağa Qazan şähäre bäyräme östälgän bulsa da, bu kön 1990nçı yılnıñ 30nçı avgustında Tatarstan parlamentı Möstäqillek Deklaratsiyäsen qabul itkän kön bularaq tarix säxifälärenä kerep qaldı.

1990nçı yılda Tatarstan Däwlät Şurasında qabul itelgän Suverenitet Deklaratsiyäsen tatar zıyalıları, milli dairälär onıtmıy.

Tanılğan zıyalılar, tatar milläteneñ milli mäsläge, ideyalarınıñ tormışqa aşırıluı öçen köräş alıp barğan olı şäxeslärne xörmät belän iskä alıp, Tatarstan Möstäqillek deklaratsiyäse qabul itelgän 1990nçı yılnıñ 30nçı avgust könen İdel-Ural cirläreneñ bäysezlek simvolı bularaq qotlarğa çaqıra.

Färit Gubayev fotosüräte.