Törki telle illär xezmättäşlege şurası üz eşen tögälläde
Liderlar yomğaqlaw beldergesen imzaladı
Törki telle illär xezmättäşlege şurasınıñ 4 nçe yuğarı däräcäle oçraşuı Törkiyädä uzdı.
Cıyılışnıñ bıyılğı teması-“Turizm xezmättäşlege”ide.
4 nçe iyündä Törkiyädä Muğlanıñ Bodrum ilçäsendä başlanğan yuğarı däräcäle oçraşuda Törkiyä ilbaşı Abdullah Gül , Azärbaycan ilbaşı İlham Aliyev, Qazaqstan ilbaşı Nursoltan Nazarbayev, Törekmänstan däwlät başlığı Gurbanguli Berdimuxamedov, Qırğızstan ilbaşı Almazbäk Atambayev häm küp sanlı ministr qatnaştı.
Yuğarı däräcäle oçraşu tışqı eşlär ministrları cıyılışı belän başlandı.
Törkiyä tışqı eşlär ministrı Äxmät Dawıtoğlu üz çığışında törki dönyanıñ üzara yoğıntısın tä’min itüçe tarixi “Yefäk yulı”nıñ qabat canlandırılaçağın belderde.
Törkiyä ilbaşı Abdullah Gül yuğarı däräcäle oçraşuda qatnaşuçılar belän ike yaqlı söyläşülär dä ütkärde.
Söyläşülärdä energetika, transport häm mädäniyat tarmaqlarındağı xezmättäşlektä konkret adımnar yasaw qararına kilende.
Söyläşülärdän soñ Törkiyä ilbaşı qunaqlar xörmätenä kiçke aş mäclese oyıştırdı.
Yuğarı däräcäle oçraşu bügen dä däwam itte, liderlar yomğaqlaw beldergesen imzaladı.
Törki telle illär xezmättäşlege şurasınıñ çirattağı räise Azärbaycan ilbaşı İlham Aliyev räislekne Törkiyägä tapşırdı.
Turizm xezmättäşlege mäs’äläsendä ministrlıqlar däräcäsendä yasalğan adımnarnıñ näticäläre däwlät başlıqları şurası cıyılışına tapşırıldı.
Törki şuranıñ näticäläre ğomum särqätip tarafınnan ütkäreläçäk matbuğat oçraşuı belän cämäğätçelekkä citkereläçäk.
