Ğabdräşit İbrahim: Äsirlär lagerı häm Rusiyä möselmannarı
“Törek wä tatar dönyasında” tapşıruı. 19.04.2017
Uzğan yazmalarıbızda da xäbär itkänebezçä, Törkiyä başqalasında tanılğan tatar säyäsätçese häm din ähele Ğabdräşit İbrahim tormışı, äsärläre häm başqarğan êşçänlege belän iskä alındı.
Uzğan yazmada bez Änkara universitetında Tokio mäçete häm qolliyäseneñ 80 yıllığı mönäsäbäte belän ütkärelgän 4nçe Xalıqara Ğabdräşit İbrahim simpoziumında Tatarstannan qatnaşqan Tatar ênsiklopediyası institutı mödire professor doktor İskändär Ğiläcev belän äñgämä täqdim itä başlağan idek.
Bügenge yazmabızda İskändär äfände belän söyläşüebezne däwam itäbez häm 4nçe Xalıqara Ğabdräşit İbrahim simpoziumı êşendä Tatarstannan qatnaşqan Şihabetdin Märcäni isemendäge tarix institutı professorı, doktor İldus Zahidullinnıñ fikerlären dä citkeräbez.
Änkarada ütkärelgän 4nçe Xalıqara Ğabdräşit İbrahim simpoziumında Tatarstannan qatnaşqan Tatar ênsiklopediyası institutı mödire professor doktor İskändär Ğiläcev häm Şihabetdin Märcäni isemendäge tarix institutı professorı, doktor İldus Zahidullin belän äñgämäne videoyazmadan qarıy alasız yäki TAWIŞ uynatqıçınnan tıñlıy alasız.
