Törek matbuğatına küzätü 30.12.2024
30 nçı dekabr' könne basılıp çıqqan qayber törek gazetlarına küzätü

”Yeni Şafak” gazetı “Ärdoğan Kön’yaq Koreyanıñ qayğısın urtaqlaştı” dip yaza. Törkiyä ilbaşı Räcäp Tayyip Ärdoğan Kön’yaq Koreyada bulğan oçqıç hälakätendä ğomeren yuğaltuçılar nisbätennän qorbannarnıñ ğailäläreneñ, Kön’yaq Koreya xalqı häm xökümäteneñ qayğısın urtaqlaştı.
”Star” gazetı Sudan ministrınıñ “Ärdoğannıñ täq’dimen yuğarı bäyälibez” digän süzlären alğı planğa çığara. Törkiyäneñ här ölkädä üzlärenä yärdäm qulı suzuın belderüçe Sudan ministrı äl-İaysir Sudan belän Berläşkän Ğaräp Ämirlekläre arasındağı kileşmäwçänleklärne beterü öçen ilbaşı Ärdoğannıñ mäs’äläne çişüdä Törkiyäneñ qatnaşa aluı turındağı täq’dimen yuğarı bäyäläwlären belderde.
“Hürriyet” gazetı “Süriydäge torğızu-tözekländerü êşçänlege säwdäne köçäytäçäk” dip yaza. Törkiyä ilbaşı urınbasarı Cäwdät Yılmaz Süriyädäge torğızu-tözekländerü êşçänlege belän uñaylı moxit buldırunıñ süriyälelärneñ illärenä qaytuına häm ike il arasındağı säwdä mönäsäbätlären üsterügä yärdäm itäçägen citkerde.
“Sabah” gazetı “Törkiyä ênergetika ölkäsendä liderlıqqa omtıla” dip xäbär itä. Ênergetika häm tabiği çığanaqlar ministrı Alparslan Bayraktar Törkiyäneñ ênergiya säyäsätendä xalıqara köndäşlektä möhim noqtağa citüen belderde. “Bez tabiğıy gazdan atom-töşenä, yañartıla torğan ênergiyädän vodorod texnologiyäsenä qadär här ölkädä liderlıqqa ireşüne maqsat itep quyabız”,-dide.
“Vatan” gazetı “Baykar”nıñ Piaggio Aerospace satıp aluı dön’ya kön tärtibendä “ isemle yazmasında citkergänçä, Törkiyä saqlanu sänäğate şirkäte “Baykar”nıñ İtaliyanıñ “Piaggio Aerospace”sın satıp aluı dön’yanıñ iğ’tibarın cälep itte. “Piaggio”nıñ F-35 oçqıçları dvigatel’läre öçen detal’lär dä citeşterue qızıqsınunı tağın da arttırdı. Bu satıp alu belän Törkiyä F-35 programmasına kire qayttı.