Törek matbuğatına küzätü 26.12.2024
26 nçı dekabr' könne basılıp çıqqan qayber törek gazetlarına küzätü
“Hürriyet” gazetı ilbaşı Ärdoğannıñ süzläre belän “Yä qoral taşlayaçaqlar, yäisä Süriyä tufraqlarına kümeläçäklär” dip yaza. Törkiyä ilbaşı Räcäp Tayyip Ärdoğan partiyäseneñ parlament törkeme cıyılışında “Bezneñ barlıq terror oyışmaların, ayıruça “DEAŞ” häm “PKK”nı beterü qararıbız qatğıy. Separatist cinayät’çelär yä qoralların taşlayaçaqlar, yäisä qoralları belän Süriyä tufraqlarına kümeläçäklär. Terror oyışmasın beteräçäkbez. Terrorçı oyışmalarnıñ isäp-xisabı bulğan kebek bezneke dä bar” dip äytte.
“Vatan” gazetı ministr Mämişoğlunıñ “Süriyägä sälamätlek saqlaw belän bäyle barlıq yärdämne kürsätäçäkbez” digän süzlären alğı planğa çığara. Törkiyä sälamätlek saqlaw ministrı Kämal Mämişoğlu Süriyä sälamätlek saqlaw ministrı belän telefonnan söyläşüen belderep, “Bez sälämätlek saqlaw belän bäyle barlıq yärdämne kürsätäçägebezne citkerdek” dide.
“Star” gazetı “Ber’yulı 3 basqıçqa kütäreldek” dip xäbär itä. Törkiyä xalıqara investiśiyälär öçen populyar üzäkkä äylände. Törkiyä investiśiyälärdä 7 nçe urınnan Franśiya, Angliya, Germaniyädän soñ 4 nçe urınğa kütärelde.
“Yeni Şafak” gazetı “ASELSAN”nan 58 million 600 meñ dollarlıq imza” digän yazmasında citkergänçä, “ASELSAN” Törki däwlätlär oyışması äğ’zası il belän êlektro-optik häm êlemtä sistemaların turıdan -turı satuğa qağılışlı 58 million 600 meñ dollarlıq êksport kileşülärenä qul quydı.
“Haber Türk” gazetı “Törek ğalimnäre Ayda häm Marsta pomidor citeşterergä niyätli” dip yaza. Ägäy universitetı fän fakul’tetetınıñ biologiya bülege uqıtuçısı dośent doktor Rengin Özgür Uzilday citäkçelegendäge proyekt Ayda häm Marsta urnaştırılaçaq kosmik koloniyälärdä pomidor citeşterüne maqsat itep quya.
