Törek matbuğatına küzätü 13.12.2024
13nçe dekabr' könne çıqqan qayber törek gazetlarına küzätü
“Haber Türk” gazetı Blinkennıñ Änkarağa kilüen citkerä.
Törkiyä ilbaşı Räcäp Tayyip Ärdoğan AQŞ däwlät särqatibe Êntoni Blinken belän Änkaranıñ Äsänboğa aêroportında oçraştı. Söyläşüdä Süriyädä terrorçı oyışmalarnıñ totrıqsız wäzğıyät’tän faydalanmawı öçen adımnar yasaluı kiräklege mäs’äläsendä kileşende.
“Sabah” gazetı Ärdoğannıñ Awrupa Berlegenä yasağan Süriyä belän bäyle çaqıruına urın birä.
İlbaşı Ärdoğan Vengriyä xökümäte räise Viktor Orban belän Änkaradağı rezidenśiyäsendä oçraştı. Ul söyläşüdä Süriyäne qabat torğızu häm xäzerge oyışmalarnı reformalaştıru mäs’äläsendä Awrupa Berlege belän xezmättäşlek kiräklegen belderde.
“Star” basması “Törkiyä Süriyädä terrorçı oyışmalarğa forsat birmäyäçäk” dip yaza.
Törkiyä milli saqlanu ministrlığı Süriyädä “PKK/YPG”ne saqlaw öçen “DEAŞ” sıltawınıñ alğa sörelüenä iğ’tibarnı cälep itte. “Süriyädäge wäzğıyät’tän faydalanıp “PKK/YPG” häm başqa terrorçı oyışmalarnıñ mäydan yawlawına forsat birmäyäçäkbez” diyelä annan yasalğan belderüdä.
“Hürriyet” gazetı “Törkiyä diplomatiyädä äydäp baruçı” dip xäbär itä.
Törkiyä tışqı êşlär ministrı Xaqan Fidan ilneñ Somali häm Êfiopiya arasındağı añlaşılmawçanlıqnı çişüdäge roleneñ - diplomatiyä añlayışınıñ köçle misalı buluın belderde.
“Vatan” gazetı Antaliyada turızmda rekord yasaluın citkerä.
Antaliyağa axırğı 10 yılda 112 million 722 meñ turist kilgän. Berençe urında rusiyälelär - 36 million keşe. Annan soñ 25 million 545 meñ turistı belän Germaniyä kilä. Angliyä - 7 million 183 meñ keşe belän öçençe urında.
