Törek matbuğatına küzätü 12.12.2024
12 nçe dekabr' könne basılıp çıqqan qayber törek gazetlarına küzätü
“Sabah” gazetı “Afrikadağı krizisnı Törkiyä çişte” dip yaza. Törkiyä ilbaşı Räcäp Tayyip Ärdoğan Somali belän Êfiopiya arasındağı krizisnı çişü öçen adım yasadı. Ärdoğan Somali däwlät başlığı Xäsän Şäyex Mäxmüt häm Êfiopiya xökümäte räise Abiy Äxmätne ilbaşı rezidenśiyäsendä qabul itte. Ärdoğan yaqlar arasında kileşü täêmin itelüen belderde.
“Haber Türk” gazetı “Süriyägä irekle qaytular artaçaq” dip xäbär itä. Törkiyä ilbaşı Ärdoğan 61 yıllıq Baas rejimı cimerelü belän Süriyädä tınıçlıqqa yul açıluın, süriyälelärneñ irekle kire qaytuların koordinaśiyäläyäçäklären äytte.
“Yeni Şafak” gazetı çit il matbuğatınıñ “Ärdoğan - İslam dön’yası liderı” digän süzlären uquçıları belän urtaqlaşa. Süriyä milli köçläre operaśiyäse belän beterelgän qanlı Bass rejimınıñ cimerelüendä Törkiyäneñ rolenä basım yasağan çit il matbuğatı ilbaşı Ärdoğannıñ İslam dön’asınıñ liderı buluı turında yazdı.
“Star" gazetı Franśiya matbuğatındağı “Törkiyä iğ’tibarsız qaldırıp bulmawnı tağın ber tapqır isbatladı” digän süzlärne alğı planğa çığara. Süriyädä Äsäd bärep töşerelgännän soñ Törkiyäneñ töbäktäge yoğıntısı artuın yazğan Franśiya matbuğatı “Törkiyä üzen iğ’tibarsız qaldıru mömkin bulmawın tağın ber tapqır isbatladı” dide.
“Hürriyet” gazetı “Xaqan Fidannan Fälästin yullaması” isemle xäbärendä citkergänçä, Törkiyä tışqı êşlär ministrı Xaqan Fidan Fälästinneñ tağın da kübräk illär tarafınnan tanıluı öçen êşläwlären äytte. Törkiyäneñ tırışlıqlarınıñ global’ däräcädä yoğıntı yasawın assızıqlağan Fidan “Bez ilebezgä qarata qızıqsınunı arttıruçı säyäsät alıp barabız” dide.
