Törek matbuğatına küzätü 11.12.2024

“Sabah” gazetı Ärdoğannıñ süzläre belän “Süriyädä terror oyışmaları yuq iteläçäk” dip yaza. Törkiyä ilbaşı Räcäp Tayyip Ärdoğan Süriyä xalqınıñ distä yıllar däwam itkän cäber-zolım sistemasın cimerep irekkä ireşüen belderde. “İlneñ başqa öleşlärendäge “DEAŞ” häm “PKK/PYD” kebek terror oyışmaları da tiz arada yuq iteläçäk”,- dide Ärdoğan.

“Vatan” gazetı “Milli küzläw oyışmasınnan Kamışlıda “YPG” terror oyışmasına höcüm” isemle yazmasında citkergänçä, Törkiyä milli küzläw oyışması “PKK/ YPG” terror oyışmasınıñ Süriyäneñ Kamışlı töbägendä Äsäd rejimınnan tartıp alğan raketa, awır qorallar häm suğış kiräk-yaraqları töyälgän 12 yök maşinası, 2 tank häm 2 saqlağıçın yuq itte.

“Haber Türk” gazetı ilbaşı Ärdoğannıñ telefon diplomatiyäse turında xäbär itä. Törkiyä ilbaşı Ärdoğan İtaliya prem’yer-ministrı Djordjiya Meloni häm Awrupa komissiyäse başlığı Ursula fon der Lyayen belän telefonnan söyläşte. Söyläşülärdä Süriyädäge soñğı waqıyğalar turında süz bardı.

“Hürriyet” gazetı ilbaşı Ärdoğannıñ “Bez yaña Süriyä xakimiyätenä yärdäm itärgä äzer” digän süzlären alğı planğa çığara. Törkiyä ilbaşı Räcäp Tayyip Ärdoğan Süriyädä yaña xakimiyätneñ Süriyä xalıqların üz êçenä alaçaq räweştä totış kürsätüe kiräklegen teläwlären, yaña citäkçelekkä här ölkädä kiräkle yärdämne kürsätergä äzer buluların assızıqlad.

“Star” gazetı “Törkiyädän çik ar’yağında neft’ häm tabiği gaz adımı” isemle xäbärendä citkergänçä, Törkiyä ênergetika häm tabiği çığanaqlar ministrı  Alparslan Bayraktar Ğıyraq, Liviya, Afrika, Urta Aziya, Kavkaz geografiyäse häm Kön’yaq Amerikada xalıqara patnyerlıqlar belän neft’ häm tabiği gaz citeşterüne arttırırğa teläwlären citkerde.