Törek matbuğatına küzätü 09.12.2024
9nçı dekabr' könne çıqqan qayber törek gazetlarına küzätü
“Haber Türk” gazetı Cäwdät Yılmaznıñ süriyälelär belän bäyle belderüenä urın birä.
Törkiyä ilbaşı urınbasarı Cäwdät Yılmaz Süriyä watandaşlarınıñ tınıçlıqta yäşäwläre öçen illärendä kiräkle şartlarnıñ tiz arada buldırıluı belän bergä imin häm üz teläkläre belän kire qaytuları da täêmin iteläçägen söyläde.
“Yeni Şafak” gazetı Fidannıñ “Millionlağan süriyäle illärenä kire qaytırğa mömkin” digän süzlären başçağa çığara.
Törkiyä tışqı êşlär ministrı Xaqan Fidan illären taşlap kitärgä mäcbür bulğan millionlağan süriyäleneñ monnan soñ watannarına kire qayta alaçaqların söyläde. “Xäzer berdämlek häm ilne qabat torğızu waqıtı”,-dide ul.
“Star” basması “PKK” däwamçısı Süriyädä legitim yaq tügel” dip yaza.
Törkiyä tışqı êşlär ministrı Xaqan Fidan Qatarda Süriyädäge waqıyğalar turında açıqlawlar yasadı. “Bernindi “PKK” däwamçısı Süriyädä qanunlı yaq bularaq qarala almıy, söyläşülärdä qatnaşa almıy”- dide ul.
“Vatan” basması süriyälelärneñ Äsädneñ tüntärelüen bäyräm itüe turında citkerä.
Bäşşar Äsäd rejimınıñ tünrätelüennän soñ Törkiyädä yäşäwçe süriyälelär şatlıqların yäşerä almadı. Alar illärenä qaytaraçaqların belderde, qunaqçıllığı öçen Törkiyägä räxmät äytte.
“Sabah” gazetı “Törkiyäneñ iq’tisad programması ışanıçlı” dip yaza.
Bötendön’ya bankı ölkän iq’tisadçısı Sibel Kulaksız Törkiyäneñ älege tarmaqta köçle däwlät buluın belderde. Ul banknıñ Törkiyägä qarata proyektlarnı raslawlarınıñ artuın ilneñ iq’tisad säyäsätenä ışanıçnıñ üsüeneñ kürsätkeçe buluın äytte.
