Törek matbuğatına küzätü 6.12.2024

“Yeni Şafak” gazetı “Yılnıñ sonğı milli qurqınıçsızlıq şurası cıyılışınnan soñ Süriyä yullaması” isemle xäbärendä citkergänçä, ilbaşı Räcäp Tayyip Ärdoğan citäkçelegendä uzğan milli qurqınıçsızlıq şurası cıyılışınnan soñ yasalğan yazmaça belderüdä Süriyä rejimınıñ üz xalqı häm legal’ oppoziśiya belän kileşüe kiräklege belderele. Belderüdä Törkiyäneñ Süriyäneñ cir bötenlegen yaqlawına basım yasaldı.

“Hürriyet” gazetı Törkiyä milli saqlanu ministrlığınıñ belderüenä urın birä. Törkiyä milli saqlanu ministrlığı “Bez Süriyäneñ cir bötenlegenä, suverenlığına häm töbäkneñ iminlegenä citdi qurqınıç tudırğan “PKK/YPG” terror oyışmasına töbäktäge totrıqsızlıqtan faydalanırğa röxsät itimibez” dip belderü yasadı.

“Sabah” gazetı ministr Kacırnıñ süzläre belän “Global’ xärbi pilotsız oçu apparatı bazarınıñ 70%ı Törkiyä firmaları qulında” dip yaza. Sänäğat’ häm texnologiya ministrı Mäxmät Fatix Kacır bötendön’ya xärbi pilotsız oçu apparatı bazarınıñ 70%ınıñ Törkiyä şirkätläre qulında buluına basım yasap, “Saqlanu sänäğatendäge paradigma üzgäreşlären döres bäyäläp ilebezne xärbi pilotsız oçu appratı citeşterüdä dön’ya lideri ittek” dide.

“Star” gazetı “Awrupa Berlegennän Törkiyä raslawı” isemle yazmasında citkergänçä, awıl häm urman xucalığı ministrı İbrahim Yumaklı:” Törkiyädäge qoş iten êşkärtü qorılmalarınıñ 8e Awrupa Berlegenä cılılıq belän êşkärtelgän qoş ite êksportlıy alaçaq, bu Awrupa Berlege tarafınnan raslandı”,-dide.

“Vatan” gazetı “Antaliyağa D-8 turizm şähäre büläge birelde” dip xäbär itä. Törkiyä mädäniyät häm turizm ministrı Mäxmät Nuri Ärsoy Antaliyanıñ “2025 D-8  turizm şähäre büläge” nä layıq buluın belderde. "Mädäni baylıqların tabiği maturlıqları belän quşıp qunaqlarıbızğa onıtılmas täcribä täq’dim itkän bu tiñsez şähärebez barı tik Törkiyädä genä tügel, dön’yada da iñ küp östenlek birelgän  turizm märkäzlärennän berse bulıp qalaçaq”, - dip äytte.