Törek matbuğatına küzätü 5.12.2024

“Vatan” gazetı “PKK/KCK”nıñ 709 mäğaräse häm sıyınu urını yuq itelde” dip yaza.

Törkiyä êçke êşlär ministrı Ali Yärlikaya bıyıl “PKK/KCK” terrorçı oyışmasınıñ qışqı strukrurasına qarşı oyıştırğan “Gürz” operaśiyäsendä 709 mäğarä, sıyınu urını häm saqlağıç yuq itelüen, küp sanda şartlatqıç, qoral häm başqa kiräk-yaraqlar qulğa töşerelüen citkerde.

“Yeni Şafak” gazetı Törkiyädän Xaläbkä kire qaytuçı süriyäle belän interv’yu bastıra.

Ğailäse belän bergä waqıtlıça Törkiyäneñ Xatay töbägendä yäşägän Aya Abdussälam, Süriyädä Xaläb şähäreneñ oppoziśiyä qulına küçüennän soñ, öyenä kire qaytıp kitärgä cıyına. “7 yıl Törkiyädä idem. Xatayda yäşädem. Xaläb xäzer qotqarıldı. Tuğan yağıbızğa qaytabız. Böten Törkiyägä bik zur räxmät - 7 yıl buyı qunaq ittegez” dide ul jurnalistlarğa.  

“Star” gazetı “Dön’ya gigantı Törkiyäne sayladı” dip xäbär itä.

Şveyśariyäneñ farmaśevtika şirkäte “Sandoz” Törkiyädäge yaña investiśiyäläre öçen kapitalın 80 million dollar külämendä arttıruın citkerde

“Sabah” gazetı “TOGG” turındağı xäbärgä urın birä.

Törkiyäneñ êlektrlı avtomobile “Togg” köndäşläre “Tesla” häm “BMW”nı artta qaldırdı. Ağımdağı yılnıñ 11 ayında ul 24 meñ 361 maşina sattı. İñ yaqın köndäşe belän arada 15 meñ 134 danä ayırma bar. Bu çorda “Togg”nıñ êlektrlı avtomobil’lär bazarındağı öleşe 29% bularaq terkälde.

“Habertürk” gazetı  “TIMSS-2023”tä Törkiyä fän alanında Awrupa berençese buldı” dip yaza.

Xalıqara matematika häm tabiğıy fännär tikşerenüläre (TIMSS) näticäsenä qarağanda, Törkiyä 2023nçe yılda 4nçe sıynıf tabiğıy fännär alanında OECD illäre arasında  - 2nçe, bu tarmaqtağı urtaça ball belän böten Awrupa däwlätläre arasında isä berençe buldı.