Төрeк мaтбугaтынa күзәтү - Törek matbuğatına küzätü 04.12.2024
4нчe декабрьдә бaсылып чыккaн кaйбeр төрeк гaзeтлaрынa күзәтү / 4nçe dekabrdä basılıp çıqqan qayber törek gazetlarına küzätü
“Haber Türk” gazetı: “Erdoğan: “PKK”ğa qarşı adımnar yasıybız häm yasayaçaqbız””
İlbaşı Räcäp Tayyip Ärdoğan Ğıyraq Baş ministrı Möxämmäd Şiya äl Sudani belän telefonnan söyläşte. Ärdoğan Süriyädä “PKK” separatist terror oyışmasın häm bäyläneşle törkemnären totqarlaw öçen Törkiyäneñ milli iminlege häm mänfäğätläre nigezendä adımnar yasaluın häm yasayaçaqların äytte.
“Hürriyet” gazetı: “Ärdoğan: “Suriyä rejimı säyäsi barışta qatnaşırğa tiyeş””
Törkiyäneñ aylar buyı suzğan qulın kire qaqqan Süriyä rejimı ildä ğadel häm daimi tınıçlıq belän dä qızıqsınmıy. İlbaşı Ärdoğan oppoziśionerlarnıñ qısqa waqıtta Xälebne aluı belän zur poziśiyäsen häm köçen yuğaltqan Äsädne kisätte: “Süriyä rejimınıñ wazğiyätneñ tağın da naçarayuın totqarlaw öçen çın säyäsi barışta qatnaşuı kiräk”, - dip äytte.
“Star” gazetı: “Törkiyädän Greśiyägä ''Yomşaq köç” çaqıruı””
İlbaşı idaräseneñ êlemtä başlığı Fahrettin Altun yomşaq köç êlementı bularaq mädäniyät häm sportnıñ berläşterüenä ışanuın belderde. Altun: “Greśiyä belän duslığıbıznı nığıtaçaq, köçäytäçäk här iniśiativağa bulışlıq itärgä tulısınça äzer bez”, - dip äytte.
“Vatan” gazetı: ““Fitch” Törkiyä iq’tisadındağı yaxşıruğa iğ’tibarnı yünältte”
Xalıqara kredit bäyäläw oyışması “Fitch” Törkiyä iq’tisadındağı yaxşıruğa iğ’tibarnı yünältte. “Fitch”nıñ xisabında Törkiyä Cömhüriyät Üzäk bankınıñ rezervlarında möhim yaxşırunıñ täêmin itelüe belderelde. "2025nçe yılda säyäsät êzleklelegeneñ artuın kötäbez", - dip äytelde.
“Yeni Şafak” gazetı: “Törkiyädän çista ênergiyä adımı”
Törek tikşerenüçeläre uglerod gazın çista ênergiyägä äyländeräçäk cihaz êşläp çığaraçaq. Törek ğalimnäreneñ revolyuśion üzençälektäge alğarışnı planlaştırğan cihaz qaldıq bularaq uglerod gazın çığarğan maşinanıñ gaz çığaru urını häm êşxanäneñ töten morcası kebek sistemalarnıñ çığu urınnarına urnaştırılaçaq.
