Törek matbuğatına küzätü 03.12.2024
3nçe dekabr' könne çıqqan qayber törek gazetlarına küzätü
“Hürriyet” gazetı Fidannıñ belderüenä urın birä.
Törkiyä tışqı êşlär ministrı Xaqan Fidan kiçä iranlı wazıyfadaşı Abbas Arakçi belän oçraştı. Şunnan soñ uzdırılğan matbuğat cıyılışında Fidan: “Süriyädäge grajdannar suğışınıñ artuın telämibez” dip belderde. Ul Astana prośessın tormışqa aşıraçaqların äytte.
“Star” gazetı İrannıñ belderüen citkerä.
İran tışqı êşlär ministrlığı süzçese İsmail Bäkayi Törkiyäneñ İran öçen dä, Süriyä öçen dä ähämiyätle kürşe buluın belderep: “Törkiyä Süriyädäge kiyerenkelekne kontrol’gä aluda konstruktiv rol’ uynadı”,-dide.
“Yeni Şafak” gazetı noyabr’ ayı êksportı turında yaza.
Törkiyä säwdä ministrı Ömär Bolat kiçä yasağan belderüendä: “Noyabr’ ayı êksportıbız, uzğan yılnıñ şul uq ayına qarağanda, 3,1% külämendä kimede häm 22,3 milliard dollar täşkil itte”,-dide. Ul 11 ayda tışqı säwdä defiśitınıñ 27% tiräse azayuın äytte.
“Vatan” gazetı isä saqlanu häm aviaśiya sänäğatendäge êksport rekordı xaqında yaza.
Saqlanu sänäğate idaräse tarmaq êşlänmälären çitkä satunıñ 11 aylıq çorda 5 milliard 761 million dollarğa citep rekord yasawın belderde.
“Sabah” gazetı Antaliyada turistlar sanındağı rekord turında citkerä.
Antaliya dön’ya külämendä turistlar östenlek birgän cirleklärdän berse. Ağımdağı yılnıñ 11 ayında kilgän turist sanı, uzğan yılnıñ şul uq çorı belän çağıştırğanda, 8%qa arttı. Antaliyağa iñ küp kilüçe isä Germaniya watandaşları.
