Төрeк мaтбугaтынa күзәтү - Törek matbuğatına küzätü 29.11.2024
29нчы ноябрьдә бaсылып чыккaн кaйбeр төрeк гaзeтлaрынa күзәтү / 29nçı noyabrdä basılıp çıqqan qayber törek gazetlarına küzätü
“Yeni Şafak” gazetı: “Ğazzädä daimi utnı tuqtatu bulmasa regional’ xozur bulmas”
İlbaşı Ärdoğan Törkiyägä kilgän Oman Soltanı Häysäm bin Tarık belän urtaq matbuğat oçraşuında: “Livanda utnı tuqtatunıñ buluı şatlandıra. Ğazzädä daimi utnı tuqtatu bulmasa, regional’ xozur bulmas”, - dip äytte.
“Hürriyet” gazetı: “72 terrorçı täêsirsez xälgä kiterelde”
Milli saqlanu ministrlığı ildä häm çikneñ aryağında başqarılğan operaśiyälär belän bäyle bularaq urtaqlaşqan mäğ’lümattä / soñğı ber atnada “PKK” separatist terror oyışması äğ’zase 72 terrorçınıñ täêsirsez xälgä kiterelüen citkerde.
“Haber Türk” gazetı: “Oktyabr’dä êksport arttı”
Törkiyäneñ êksportı oktyabr’dä uzğan yılnıñ şuşı uq ayına qarağanda 3,1%qa artıp, 23 milliard 500 million dollar, importı isä êlekkeçä qalıp, 29 milliard 409 million dollar bularaq tormışqa aştı.
“Star” gazetı: “Törkiyädän dus ilgä TURAL êksportı”
“Ramsa saqlanu” ğomum mödire Ramazan Gücükturalı üzläre qamilläştergän keşesez citöste transportı “TURAL”nıñ Aziyä öleşeneñ Paqıstanda başqarıluı öçen niyät kileşüenä qul quyuların belderep: “Berençe kileşü tämamlandı, transfertlär dä yaqınça ber atna êçendä tämamlanaçaq. Yaqınça 1,5 aydan soñ berençe cibärüebez bulaçaq”, - dip äytte.
“Sabah” gazetı: “Törkiyä-Macarstan (Vengriyä) matçı uzaçaq stadion bilgele buldı”
Törkiyä Futbol Federaśiyäse törek cıyılma komandasınıñ 2025nçe yılnıñ 20nçe mart könne Macarstan (Vengriyä) belän uynayaçaq UEFA Millätlär Ligası play-off matçınıñ İstanbul Ali Sami Yen sport kompleksındä uzaçağın belderde.
