Төрeк мaтбугaтынa күзәтү - Törek matbuğatına küzätü 13.11.2024

“Hürriyet” gazetı: “İlbaşı Ärdoğan: “İzrail Ğazzä öçen cawaplılıqqa tartılırğa tiyeş”

İlbaşı Räcäp Tayyip Ärdoğan kiçä Azärbaycan başqalası Baqıda yasağan çığışında: “İzrailneñ Fälästin belän Livannı tämek itep alğan höcümnäre däwam itä. Keşelärne üterüen, zur ütereş qıluın däwam itä. Bu awır humanitar häm êkologik fäläqätkä säbäp buluçılar xalıqara mäxkämälärdä monıñ öçen cawaplılıqqa tartılırğa tiyeş, dip uylıybız”, - dide.

“Sabah” gazetı: “Ministr Bayraqtar “COP29”da Törkiyäneñ ênergetikada näticälelek maqsatların añlattı”

Ênergetika häm tabiği çığanaqlar ministrı Alparslan Bayraqtar Törkiyäneñ yañartıla alınğan ênergiyä häm ênergiyä näticälelege ölkäsendäge maqsatlarına ireşüe öçen xalıqara finans oyışmaları belän tığız xezmättäşlek itüeneñ zarurlığın belderde.

“Star” gazetı: “Törkiyädän İzrailgä “anneksiyä reakśiyäse”: “İñ köçle räweştä kire qağabız””

Tışqı êşlär ministrlığı İzraille qayber räsmilärneñ Yordannıñ könbatış üzänlege turındağı belderüläre belän bäyle bularaq: “İzrailneñ qayber räsmiläreneñ yaw astındağı Yordannıñ könbatış üzänlegeneñ anneksiyäse turındağı belderülären iñ kisken räweştä kire qağabız”, - dip äytelde.

“Vatan” gazetı: “Kurtulmuş: “İzrailneñ BMO äğ’zalege tuñdırılırğa tiyeş”

Törkiyä Böyek Millät Mäclese başlığı Numan Kurtulmuş kiçä yasağan belderüendä: "Netan’yaxu häm bandası BMO qararların ütägänçegä qadär, BMO Xalıqara mäxkämäse qabul itkän qararlarnı ütägänçegä çaqlı (İzrailneñ) BMO äğ’zalege tuñdırılırğa tiyeş. Bu fikerne söyläşü waqıtı citte. Bez bu köräşne alıp baraçaqbız”, - dip äytte.

“Haber Türk” gazetı: “Törkiyäneñ Afrika illärenä êksportı 15 milliard dollardan arttı”

Törkiyäneñ Afrika illärenä êksportı ağımdağı yılnıñ 10 ayında 15 milliard dollardan arttı. Törkiyä êksportçılar assambleyası kürsätkeçlärenä nigezlänep citkerelgän mäğ’lümatkä kürä, Törkiyäneñ Afrika illärenä êksportı ağımdağı yılnıñ 10 ayında 2023nçe yılnıñ şuşı uq çorına qarağanda 1,8%qa artıp, 15 milliard 100 million dollarğa citte.