Төрeк мaтбугaтынa күзәтү - Törek matbuğatına küzätü 11.11.2024

“Star” gazetı: "09.05tä tormış tuqtap qaldı"

Törkiyä Cömhuriyäteneñ tözüçese Mostafa Kämal Atatörek ülemeneñ 86 yıllığında il külämendä cıyınnar belän iskä alındı. Atatörek canın täslim qılğan säğät 9.05tä sörännärneñ yañğırawı belän tormış tuqtap qaldı, watandaşlar xörmät belän tın aldı.

“Hürriyet” gazetı: "Ärdoğan: “İlebez çiklären terrorçılıq belän bäyläneşen özäbez”"

İlbaşı Ärdoğan Atatörekneñ wafat buluınıñ 86 yıllığı mönäsäbäte belän oyıştırılğan iskä alu cıyınında yasağan çığışında: "Aldıbızdağı çorda çiklärebez buyınça oyıştırğan qurqınıçsız töbäkneñ tämamlanmağan öleşlären dä tögälläyäçäkbez. Başqa törle äytsäk, terror oyışmaları belän ilebez çikläre arasındağı êlemtäne tulısınça özäçäkbez”, - dide.

“Sabah” gazetı: "Ärdoğan: “Terrorsız klimatnı urnaştıraçaqbız””

İlbaşı Ärdoğan Kabinet cıyılışınnan soñ yasağan belderüendä terrorçılıqqa qarşı köräştä täwäkkällekkä basım yasadı. Törkiyädä terrorsız klimatnıñ urnaştırılaçağın belderde.

“Habertürk” gazetı: "Fidan İzrailgä qoral êmbargosın qullanu öçen basım yasarğa çaqırdı”

Tışqı êşlär ministrı Xaqan Fidan, İslam xezmättäşlek oyışması häm Ğaräp Ligasınıñ çirattan tış sammitınıñ tışqı êşlär ministrları cıyılışında İzrailgä qoral häm xärbi kiräk-yaraqlarnıñ cibärelüeneñ tuqtatıluı öçen 52 ildän, şul isäptän Berläşkän Millätlär Oyışması İminlek Şurasınıñ daimi äğ’zalärennän xuplaw aluların belderep: "Barıbız da bu mäs’älädä tağın da kübräk cawaplılıqnı üz östenä aluıbız öçen kiräk bulğannı êşlärgä tiyeş. Xäzer berdäm buluıbıznı kürsätü waqıtı”, - dip äytte.

“Vatan” gazetı: "Çırağan sarayında dönyanıñ ber qaläm festivale"

İstanbuldağı Çırağan sarayında dönyanıñ berençe häm berdänber qaläm festivale bulğan “Penfest 2024” oyıştırıldı. Festivaldäge iñ qıybat qaläm isä yaqınça 3 million lira belän täq’dim itelde.