Törek matbuğatına küzätü 08.11.2024

“Sabah” gazetı Ärdoğannıñ Awrupa Berlegenä yullamasına urın birä.

İlbaşı Räcäp Tayyip Ärdoğan Törkiyä şikelle qıytğanıñ kiläçäge häm iminlegenä ähämiyätle öleş kertüçe kandidat däwlätneñ Awrupa Berlegenä kerü prośessınıñ yıllar buyı kirtälänüen aqlawçı säbäp bulmawın äytte.

“Yeni Şafak” gazetı ministr Bolatnıñ “İzrail belän säwdä äyläneşebez - 0” digän süzlären citkerä.

Törkiyä säwdä ministrı Ömär Bolat solıx tözelep Ğazzäne qabat torğızu başlanğanğa qadär İzrail belän säwdä itmäw qararınıñ ğamäldä buluın söyläde. “May ayınnan birle İzrail belän êksport häm import 0 däräcäsenä töşte”,-dide ul.

“Haber Türk” gazetı “Üzäk bank rezervları qabat rekord yasadı” dip yaza.

Törkiyä cömhüriyäte üzäk bankınıñ tulayım rezervları 1nçe noyabr’ atnasında, annan aldağı atna belän çağıştırğanda, 221 million dollarğa arttı häm 159 milliard 619 million dollarğa citte. Bu barlıq waqıtlarnıñ iñ yuğarı kürsätkeçe.

“Star” gazetı “Qorıç gömbäz tiz arada tögällänäçäk” dip yaza.

Törkiyä sänäğat’ häm texnologiyä ministrı Mäxmät Fatix Kacır hawa saqlanu sisteması “Qorıç gömbäz”ne yasawnı tiz arada tögälläyäçäklären belderde. “Yıraqqa oçuçı raketa çığaru mömkinleklärebezne tağın da aldınğı däräcägä citkeräçäkbez. İlebezneñ kiläçägenä yanawçı plannarğa berqayçan da yul quymayaçaqbız”,-dide ul.

“Vatan” gazetı “Togg” avtomobileneñ yaña tösen xalıqqa kürsätüläre turında citkerä.

Törkiyäneñ cirle häm milli êlektrlı avtomobile “Togg T10x” modeleneñ yaña töse “Aydär” Rizädä ber säwdä üzägendä kürgäzmägä quyıldı. Anıñ texnologiyäse genä tügel, töse dä yuğarı bäyälände.