Төрeк мaтбугaтынa күзәтү - Törek matbuğatına küzätü 07.11.2024
7нчe ноябрьдә бaсылып чыккaн кaйбeр төрeк гaзeтлaрынa күзәтү / 7nçe noyabrdä basılıp çıqqan qayber törek gazetlarına küzätü
“Sabah” gazetı: “Ärdoğan: “Törki dönyanı tağın da yaxşıraq däräcägä citkeräçäkbez”
İlbaşı Räcäp Tayyip Ärdoğan Qırğızstanda oyıştırılğan Törki däwlätlär oyışması sammitında belderülär yasadı. Çığışında: "Törki dönyanı tağın da yaxşıraq däräcägä citkeräçäkbez,” – dip äytüçe Ärdoğan: "Urtaq älifbada kileştek”, - dip iskärtep uzdı.
“Hürriyet” gazetı: “İlbaşı Ärdoğan Trampnı täbrik itte”
İlbaşı Räcäp Tayyip Ärdoğan Amerika Quşma Ştatlarında prezident saylawın ciñgän Donal’d Trampnı täbrik itte. Ärdoğan: "Dustım Donal’d Trampnı täbrik itäm. Tağın da ğadel dönya öçen tağın da kübräk tırışlıq sarıf iteläçägenä ışanam”, - dip äytte.
“Haber Türk” gazetı: “Törkiyädä 58 vilayät êksportın arttırdı”
Säwdä ministrlığı ğıynwar-oktyabr’ çorında 29 vilayätneñ 1 milliard dollardan kübräk êksport başqaruın, 58 vilayättä isä çit ilgä satunıñ artuın belderde. İstanbul isä oktyabr’dä 5 milliard 81 million dollar belän iñ küp êksport yasağan vilayät buldı.
“Star” gazetı: “Törkiyä neft’ häm tabiği gaz citeşterüdä rekord quydı”
Ênergetika häm tabiği çığanaqlar ministrı Alparslan Bayraktar uzğan ayda neft’ häm tabiği gaz citeşterüendä aylıq häm köndälek bazada rekord quyuların belderde. Bu çorda ildäge êşkärtelmägän neft’neñ êşläp çığarıluı 3 million 361 meñ 725 miçkä, tabiği gaz citeşterüe dä 234 million 384 meñ 17 kub metr belän aylıq bazada böten waqıtlarnıñ iñ yuğarı külämenä citte.
“Vatan” gazetı: ““Togg” êlektr avtomobil bazarında liderlığın saqlıy”
“Togg” Törkiyä êlektr avtomobil’ bazarında yılnıñ 10 aylıq çorında başqarğan 20 meñ 140 danä satu häm 31% bazar öleşe belän marka reytingında berençe urınnı aldı.
