Törek matbuğatına küzätü 5.11.2024

“Sabah” gazetı “Ärdoğannan dön’yağa Fälastin çaqıruı” isemle yazmasında citkergänçä, Törkiyä ilbaşı Räcäp Tayyip Ärdoğan  “Ğazzä häm Livanğa yünälgän sionist agressiyägä bireläçäk iñ yaxşı cawaplarnıñ berse - tağın da kübräk däwlätneñ Fälästinne tanuı bulaçaq” dide. Ärdoğan illärne Fälästin däwläten tanu çaqıruın yañarttı.

“Hürriyet” gazetı ilbaşı Ärdoğannıñ süzläre belän “Bez İzrail belän säwdäne tuqtattıq” dip yaza. Törkiyä ilbaşı Ärdoğan İzrail belän kommerśiya operaśiyälären tulısınça tuqtatuların belderep: “Genośid cinayät’çeläre xalıqara xoquq aldında cawap birsen öçen bar köçebezne quyabız”,- dip äytte.

“Yeni Şafak” gazetı “Ärdoğannan ğazzälelärgä maqtaw süzläre” isemle xäbärendä citkergänçä, Törkiyä ilbaşı İzrail höcümnäre astındağı ğazzälelärneñ 13 ay buyı törle cäber - zolımğa duçar buluın, tik alarnıñ tuğan cirlärendä irekle yäşäw telägennän waz kiçmäwlärenä basım yasadı.

“Haber Türk” gazetı “Üzäk bank rezervlarında yaña rekord” dip xäbär itä. 25 nçe oktyabr’ atnasında Törkiyä Cömhüriyäte Üzäk bankınıñ tuplam rezervları annan êlekke atna belän çağıştırğanda 33 million dollarğa arttı häm 159 milliard 398 million dollar belän xäzergä çaqlı iñ yuğarı däräcäsenä ireşte.

“Star" gazetı “Törkiyäneñ avtomobil’ êksportında rekord” digän xäbärendä yazğança, Törkiyä avtomobil’ sänäğate bıyılnıñ ğıynwar-oktyabr’ çorında uzğan yılnıñ şul uq däwere belän çağıştırğanda 6,5%qa artıp 30 milliard 511 million 79 meñ dollarğa citte häm tarmaq bazasında xäzergä qadärge iñ yuğarı 10 aylıq êksport başqarıldı.