Törek matbuğatına küzätü 04.11.2024

“Sabah” gazetı ministr Fidannıñ “İzrailgä qoral satu - genośid başqaruğa bulışu” digän süzlärenä urın birä.

Törkiyä tışqı êşlär ministrı Xaqan Fidan Djibutida uzğan “Törkiyä -Afrika xezmättäşlege” konferenśiyäseneñ matbuğat cıyılışında çığış yasadı. “İzrailgä qoral satunıñ genośid başqaruğa yärdäm itü buluın här forsatta qabatlarğa kiräk”,-dide ul.

 “Vatan” gazetı Greśiyägä qaçarğa mataşuçı 2 “FETO” äğ’zasınıñ êläkterelüen citkerde.

Törkiyä milli saqlanu ministrlığı Greśiyägä qanunsız yullar belän qaçarğa mataşqanda terrorçı oyışma “FETO” äğ’zası 2 keşene totqarlawların xäbär itte.

“Star” gazetı Törkiyäneñ texnologiyä êksportında rekord artu turında citkerä.

Sänäğat’ häm texnologiyä ministrı Mäxmät Fatix Kacır Törkiyäneñ yuğarı texnologiyä tovarları êksportınıñ 10 milliard dollarğa yaqınlaşuına iğ’tibar cälep itte. Ul älege tarmaqta 2022nçe yılda çitkä satu 97,3 milliard dollarğa citep rekord yasawın, bıyılnıñ 9 ayında isä 73,4 milliard tiräse buluın belderde. Anıñ äytüençä, êksportnı arttıru öçen törle programmalar häm yärdämnär däwam itä.

“Yeni Şafak” gazetı oktyabr’dä êksportta rekord yasaluı turında yaza.

Oktyabr’ ayında êksport 3,6%qa artıp 23,6 milliard dollar, import isä 0,1%qa kimep 29,4 milliard dollar täşkil itte. Tışqı säwdä defiśitı yıllıq nigezdä 13%qa äzäyep 5,7 milliard dollarğa töşte. Säwdä ministrı Ömär Bolat: “Cömhüriyät tarixınıñ iñ yuğarı oktyabr’ ayı êksportını başqardıq. Şulay itep, axırğı 15 aynıñ 10sında rekord yasadıq”,-dide.

“Haber Türk” 46nçı İstanbul marafonınıñ tögällänüe turında citkerä.

“Dön’yada qıytğalararası yögertüçe berdänber marafon” dip yörtelüçe häm Xalıqara atletizm berlegeneñ “Gold Leybl” kategoriyäsendä urın aluçı İstanbul marafonı 46nçı tapqır oyıştırıldı. Anda ir-atlar arasında êfiopiyäle atlet Dejena Debela, xatın-qızlar arasında baxreynlı Rut Djebet berençe kilde.