Törek matbuğatına küzätü 1.11.2024
1nçe noyabr' könne çıqqan qayber törek gazetlarına küzätü
“Hürriyet” gazetı Ärdoğannıñ: “Barlıq däwlätlär İzrailgä basım yasarğa tiyeş” digän süzlären alğı planğa çığara.
Törkiyä ilbaşı Räcäp Tayyip Ärdoğan Änkarağa kilgän Senegal däwlät başlığı Bassiru Diomaye Fêy belän oyıştırğan matbuğat cıyılışında Senegalnıñ Fälästin mäs’äläsendäge poziśiyäsen yuğarı bäyäläwen äytte. “Fälästin häm Livan xalqınıñ yanında bulunı keşelek wazıyfabız itep küräbez. Böten dön’ya İzrailgä basım yasarğa tiyeş,”-dide Ärdoğan.
“Habertürk” gazetı Awrupa komissiyäseneñ Törkiyä turındağı xisabına yañğırağan rizasızlıq turında citkerä.
Tışqı êşlär ministrlığı Awrupa komissiyäseneñ Törkiyä belän bäyle 2024nçe yıl xisabına reakśiyä belderde. Bigräk tä, Kipr mäs’äläsendäge bäyäläwlärne tänqıyt’läp, êçke säyäsi dinamikalar turındağı fikerlärneñ dä xaqsız buluı assızıqlandı.
“Sabah” gazetı terrorçılıqqa qarşı köräşkä tuqtala.
Törkiyä milli saqlanu ministrlığı axırğı 1 atnada, Ğıyraq häm Süriyäneñ tön’yağın da kertep, operaśiyälärdä 198 terrorçınıñ täêsirsez xälgä kiterelüen belderde.
“Yenişafak” gazetı Törkiyädän täwge tapqır êksportlanaçaq diñgez apparatı turında xäbär itä.
Törkiyäneñ xärbi keşesez diñgez apparatı “ULAQ-SİDA” öçen berençe tapqır êksport kileşüe tözelde. Anı Katar êçke êşlär ministrlığı satıp alaçaq. Kileşü älege ildä uzuçı “Milipol” kürgäzmäse waqıtında imzalandı.
“Star” basması “BRİKS”nıñ Törkiyä turında urtaqlaşqan yazması söyenderde” dip yaza.
“BRIKS” räsmi säxifäsendä Törkiyäneñ şaqtıy tanılğan saqlanu sänäğate êşlänmäläre turında video urtaqlaştı. Anda Törkiyä bayrağı êmodjisına urın birelde häm “Törek hawa saqlanu sistemaları” digän süzlär qullanıldı.
