Törek matbuğatına küzätü 1.10.2024

“Sabah” gazetı ilbaşı Ärdoğannıñ süzläre belän “BMO ğomum şurası kiräk bulsa köç qullanırğa tiyeş” dip yaza. Törkiyä ilbaşı Räcäp Tayyip Ärdoğan Berläşkän Millätlär Oyışması ğomum şurasın İzrail höcümnären tuqtatır öçen kiräk bulsa köç qullanırğa çaqırdı. Ärdoğan äytüençä, ber uç radikal’ sionist töbäkne utqa sala.

“Hürriyet” gazetı ilbaşı Ärdoğannıñ “Törkiyä cäberlängän keşelärneñ tawışların işetterüçe buldı” digän süzlären alğı planğa çığara. Törkiyä ilbaşı Ärdoğan BMO ğomum şurasında yasağan çığışına qağılışlı Törkiyäneñ azatlıq, ğadellek, xoquqlar häm tigezlek öçen köräşkän barlıq cäberlängän keşelärneñ global’ platformadağı tawışına äwerelüen äytte.

“Yeni Şafak” gazetı Numan Kurtulmuşnıñ “İzrailneñ maqsatı Ğazzä genä tügel” digän süzlären uquçıları belän urtaqlaşa. Törkiyä Böyek Millät Mäclese başlığı Numan Kurtulmuş beldergänçä, İzrail Livanğa, annan soñ Süriyägä höcüm itte. Soñğı maqsatlarınıñ berse -Törkiyä.

“Star” gazetı “Törki däwlätlär oyışmasında yaña iniśiativa” digän yazmasında citkergänçä, Törki däwlätlär oyışması äğ’zaları häm küzätüçe illär kartografiya ölkäsendä xezmättäşlek itü öçen cıyıldılar. Alarnıñ maqsatı - “Ğomumi törki alfavit” kebek “Ğomumi törki dön’ya kartası” äzerläw.

“Vatan” gazetı “TEKNOFESTqa sanawlı säğat’lär qaldı” dip xäbär itä. Dön’yadağı iñ zur aviaśiya, ğaläm häm texnologiya festivale TEKNOFEST 2-6 nçı oktyabr’ könnärendä Adanada uzaçaq. TEKNOFEST yarışları yäş’lärneñ milli texnologiya üseşe belän qızıqsınuın arttırunı maqsat itep quya.