Törek matbuğatına küzätü 16.09.2024

”Vatan” gazetı “Küñel ilçese” proyektı N’yu-Yorkta añlatılaçaq” isemle xäbärendä citkergänçä, Törkiyä ilbaşınıñ xäläl cefete Äminä Ärdoğan ximayälärendä tormışqa aşırılğan “Künel ilçese “ proyekt N’yu-Yorkta Berläşkän Millätlär Oyışması ğomum şurası qısalarında uzaçaq çarada böten dön’yağa añlatılaçaq. Çarada Törkiyäneñ tärbiyägä aluçı ğailä xezmäte modele tanıtılaçaq.

“Sabah” gazetı “Törkiyä ênergiyäneñ üzäge bulaçaq” dip yaza. Ênergetika häm tabiği çığanaqlar ministrı Alparslan Bayraktar Törkiyäneñ tabiği gaz êzläwdä dön’yanıñ iñ zamança flotlarınnan bersen buldıruı, Ğıyraq belän alıp barılğan “Üseş yulı” proyektı belän global’ ênergiya üzägenä äwerelü yünäleşendä alğa baruın belderde.

“Hürriyet” gazetı “İnvestiśiya fondlarınnan Törkiyägä yünälü” isemle xäbärendä yazğança, Törkiyä Cömhüriyät Üzäk bankı rezervlarınıñ yaxşıruı, ağımdağı defiśitnıñ kimüe häm inflyaśiyäneñ kimüe kebek täräqqiyät’lär Törkiyäne çit il investorlarınıñ radarına kertte.

“Yeni Şafak” gazetı “Qorıç gömbäz” Törkiyäne saqlayaçaq” dip xäbär itä. “Roketsan” ğomum mödire Murat İkinci äytüençä,  “Qorıç gömbäz” – Törkiyäne hawa höcümnärennän saqlawçı sistema. Proyekt Törkiyä hawa kiñlegen üz êçenä alğan “qırqınıçsızlıq zonası” buldırunı maqsat itep quya.

“Star” gazetı Ärsin Tatarnıñ süzläre belän “Kipr däğ’wasında kiregä adım yasaw yuq” dip yaza. Tön’yaq Kipr Törek Cömhüriyäte ilbaşı Ärsin Tatar Kipr mäs’äläsendä ike däwlätle çişeleş säyäsäteneñ döres buluın, şuña kürä artqa çigenüneñ mömkin bulmawın citkerde.