Törek matbuğatına küzätü 13.09.2024

“Sabah” gazetı axırğı atnada 95 terrorçınıñ täêsirsez xälgä kiterelüen citkerde

Törkiyä milli saqlanu ministrlığınıñ matbuğat xezmäte kiçä terrorçılıqqa qarşı köräş belän bäyle mäğ’lümatlarnı urtaqlaştı. Älege qısalarda Törek qorallı köçläre tormışqa aşırğan operaśiyälärdä ber atnada 95 terrorçı täêsirsez xälgä kiterelgän.  

“Hürriyet” gazetı Törkiyäneñ Böyekbritaniyägä êkspoprtında rekord yasawı turında yaza.

Törkiyä êksportçılar assambleyası mäğ’lümatlarına qarağanda, Törkiyä Böyekbritaniyägä 8,3 milliard dollarlıq tovar häm xezmät sattı. Bu moña qadärge iñ yuğarı kürsätkeç.

“Star” gazetı “Baykar” şirkäteneñ yaña uñışı turında yaza.

“Bayraktar AKINCI”  höcüm itüçe keşesez hawa apparatı “KUZGUN-SS” qoralı belän uzdırılğan sınawnı uñışlı başqardı. Älege test mizgelläreneñ videosın “Baykar”nıñ citäkçese Sälçuk Bayraktar urtaqlaştı  

“Yeni Şafak” gazetı Törek hawa yullarınıñ Sidneyğa oça başlawın xäbär itä.

Törek hawa yulları Avstraliyäneñ iñ zur şähäre Sidneyğa İstanbuldan oçışlarnı 4nçe dekabr’dä başlayaçağın citkerde. Ul atnada 4 tapqır bulaçaq.

“Haber Türk” gazetı Domuztäpädä 7 meñ 600 yıllıq bala skeletı tabıluı turında yaza.

Törkiyäneñ Kaxramanmaraş töbäge Türkoğlu rayonındağı Domuztäpä qalqulığında alıp barılğan qazınularda 7 meñ 600 yıl êlek yäşäwe açıqlanğan balanıñ söyäk qaldıqları çıqtı.