Törek matbuğatına küzätü 12.09.2024

“Vatan” gazetı Ärdoğannıñ Qırım belän bäyle belderüenä urın birä

Törkiyä ilbaşı Räcäp Tayyip Ärdoğan: “Ukrainanıñ cir bötenlegen, suverenlığın häm bäysezlegen härwaqıt yaqlayaçaqbız. Qırımnıñ Ukrainağa tapşırıluı xalıqara xoquqnıñ taläbe”,-dide.  

“Hürriyet” gazetı Kön’yaq Koreyanıñ zur tizlekle poyızd proyektı belän qızıqsınuın citkerä.

Transport häm asqorma ministrı Abdulqadıyr Uraloğlu Seulda wazıyfadaşı Park Sang-Vu belän oçraşıp Änkara belän İstanbul arasında säğatenä 350 çaqrım tizlek belän xäräkät itä aluçı ütä zur tizlekle poyızd proyektı turında söyläşülären häm älege mäs’äläneñ Koreya yağında qızıqsınu uyatuın belderde.

“Yenişafak” gazetı Sakariya gaz mäydanınnan yaña söyençe turında xäbär itä.  

Törkiyä ênergetika häm tabiğıy çığanaqlar ministrı Alparslan Bayraktar yaña tabiğıy gaz çığaru bazasınıñ 2026nçı yıl urtasında Sakariya mäydanına cibärelep citeşterü başlanaçağın belderde. Anda köndälek 20 million kub metr gaz çığarılıp 8 million yortnıñ ixtiyacı qanäğat’ländereläçäk.

“Sabah” gazetı yazğança,  "The Guardian” Törkiyägä kilgän turistlarnıñ soqlanuı turında citkerde

Angliyädä çığuçı basma üzeneñ bitlärendä dön’yanıñ här poçmağınnan Törkiyägä kilgän turistlarnıñ fikerlärenä urın birde. Säyäxätçelär Törkiyäneñ här cirlegeneñ üzlärenä yaña açış häm macara büläk itüen söyli.

“Star” gazetı törki dön’yadağı tarixi qarar turında citkerä.  

Törki däwlätlär oyışması tözegän Törki dön’ya urtaq älifba komissiyäse 34 xäreftän toruçı alfavitnı qabul itte.