Төрeк мaтбугaтынa күзәтү - Törek matbuğatına küzätü 13.08.2024

“Star” gazetı: “Ministr Fidan AQŞ wazıyfadaşı belän söyläşte”

Tışqı êşlär ministrı Xaqan Fidan Amerika Quşma Ştatları däwlät särqatibe Êntoni Blinken belän telefon söyläşüen ütkärde. Qarşı yaqnıñ sorawı nigezendä ütkärelgän söyläşü waqıtında İzrail häm “Xamas” arasındağı söyläşülär barışı häm töbäktä artqan kiyerenkelek quzğatıldı.

“Hürriyet” gazetı: “Ömär Çälik: “İzrail utnı tuqtatuğa sabotaj yasıy”

“Aq” partiyä ğomum başlıq urınbasarı häm partiyä süzçese Ömär Çälik İzrailneñ Ğazzädäge genośidına reakśiyä kürsätte. Çälik: "Keşelek tarixınıñ iñ genośidçı xökümäte bularaq Netanyahu xökümäte, cinayät çeltäre cawapqa tartılırğa tiyeş. İzrail utnı tuqtatuğa sabotaj yasıy”, - dip äytte.

“Sabah” gazetı: “Ministr Gülärdän Süriyä belderüe”

Milli saqlanu ministrı Yaşar Gülär Süriyä belän kileşengän ber urında illärara wäkilleklär cıyılışınıñ ütkärelä alınaçağın belderde. Ministr Gülär: "Törkiyä Süriyädän çigenü mäs’äläsendäge koordinaśiyäne barı tik yaña töp qanun (konstituśiyä) qabul itelep, saylaw ütkärelgännän häm çik buylarınıñ qurqınıçsızlığı täêmin itelgännän soñ ğına söyläşä ala”, - dip äytte.

“Yeni Şafak” gazetı: “Aradaşçılıqnıñ adresı Törkiyä”

Törkiyäneñ aradaşçılığında Êfiopiyä belän Somali wäkillekläre  Änkarada Tışqı êşlär ministrlığında oçraştı. İke il arasındağı krizis Somalilandnıñ Somalidän ber yaqlı bäysezlegen iğ’lan itüe häm Êfiopiyä belän säwdä häm xärbi kileşügä qul quyınnan soñ başlıy.

“Haber Türk” gazetı: “Êsportta 20 vilayät 1 milliard dollarnı uzdı”

Säwdä ministrlığı vilayätlärgä qarap iyül’ ayına qağılışlı êksport kürsätkeçlären açıqladı. Monıñ nigezendä, İstanbul iyül’dä 6 milliard 586 million dollar belän iñ küp êksport başqarğan vilayät buldı. Şähärneñ êksportı uzğan yılnıñ şuşı uq ayına qarağanda 53,8%qa arttı. Ğıynwar-iyül’ aylarında 20 vilayät 1 milliard dollardan kübräk êksport yasadı häm 51 vilayättä dä çit ilgä satu küläme artqan.