Törek matbuğatına küzätü 12.08.2024

“Vatan” gazetı yazğança Milli küzläw oyışması aradaşçılığında 1 avgust könne çınğa aşırılğan tarixi äsirlär belän almaşu operaśiyasenä qağılışlı neçkäleklär açıqlandı. AQŞ häm Rusiyä operaśiyaneñ Törkiyädä başqarıluın soradı. Şul räweşle ike ilneñ dä Törkiyägä ışanuın küräbez. Törkiyä, AQŞ häm Rusiyägä bu xaqta üzläre belderü yasağanğa qadär belderü yasamaw mäs’äläsendä garantiya birde. AQŞ ilbaşı Djo Bayden tarixi äsirlär belän almaşu operaśiyasen turıdan-turı qaradı.

“Yenişafak” basması beldergänçä Törek qorallı köçläre Pänçä-Kilit operaśiyase belän terrorçılıqtan çistartqan Ğıyraqnıñ tön’yağındağı yaña urınnarda imin töbäklär barlıqqa kiterü öçen 5 yaña baza qoraçaq. Törek qorallı köçläre bazalar urnaşaçaq cirlärne tikşerep çıqtı.

“Star” gazetı xäbärenä kürä Fälästin däwlät başlığı Mäxmüt Abbas Törkiyä Böyek Millät Mäclese ğomum şurasında15 avgust könne uzaçaq çirattan tış cıyılışta çığış yasayaçaq. Bu uñaydan parlamenttağı qurqınıçsızlıq çaraları arttırılaçaq. Törkiyä ilbaşı Räcäp Tayyip Ärdoğan da qatnaşaçaq cıyılışqa İzrailneñ Ğazzädäge höcümnärendä yaralanğan häm Törkiyädä däwalanuçı xastalar çaqırılaçaq.

“Sabah” basması citkergänçä Törkiyäneñ ayaq kiyeme êksportı ağımdağı yılnıñ berençe 6 ayında 588 million 700 meñ dollar bularaq çınğa aştı. Dön’yanıñ 6nçı zur ayaq kiyeme citeşterüçese bulğan Törkiyä 2030 yılda 6 milliard 800 million dollarlık säwdä külämen maqsat itep quya.

“Habertürk” gazetı yazğança franśuz aş-sularınıñ tanılğan aşçısı bulğan häm ike “Mişlen” yoldızı iyäse şef Jyul’yen Lefebvre, törek aş-sularınıñ tiñsez läzzätläre belän möhim gastronomik qıymmät buluın äytte.