Төрeк мaтбугaтынa күзәтү - Törek matbuğatına küzätü 09.08.2024

“Hürriyet” gazetı: “Ärdoğan: “İzrail utnı tuqtatırğa telämi”

İlbaşı Räcäp Tayyip Ärdoğan Qatar Ämire Şäyex Tämim Bin Hamäd Al Sani belän İlbaşı qolliyäsendä oçraştı. Ärdoğan oçraşu waqıtında İzrailneñ “Xamas” säyäsi byuro başlığı İsmäğil Xäniyäne üterüe belän utnı tuqtatırğa telämäwen tağın ber qat kürsätüen, Törkiyäneñ töbäkkä daimi tınıçlıq häm xozur kiteräçäk çişeleş öçen êşlärgä däwam itüen, Qatar belän bergä näticäle tırışularnı arttırırğa teläwen äytte.

“Yeni Şafak” gazetı: “Törkiyä belän Albaniyä saqlanu sänäğätendä xezmättäşlekne nığıtaçaq”

İlbaşı Ärdoğan belän Albaniyä Baş ministrı Êdi Rama telefon söyläşüen ütkärde. Söyläşü waqıtında Törkiyä belän Albaniyä ike yaqlı mönäsäbätläre, regional’ häm global’ mäs’älälär quzğatıldı. Ärdoğan söyläşü waqıtında ike il mönäsäbätläreneñ yuğarı däräcädä alğa kitüen, säwdä, iq’tisadi, xärbi êlemtälär belän saqlanu sänäğätendäge xezmättäşlekneñ yasalaçaq adımnar belän tağın da köçäyäçägen belderde.

“Sabah” gazetı: “Üzäk bank rezervlarında artu däwam itä”

Törkiyä Cömhüriyät Üzäk bankınıñ tuplam rezervları 2nçe avgust atnasında annan aldağı atnağa qarağanda 2 milliard 375 million dollarğa artıp, 150 milliard 386 million dollarğa citte.

“Star” gazetı: “Qorıç gömbäz grek matbuğatında”

Törkiyäneñ küp qatlamlı häm yasalma intellektlı Qorıç gömbäz urnaştıru adımı Greśiyä matbuğatında zur rezonans tudırdı. Törek saqlanu sänäğätendäge üseşneñ däwam itüebä basım yasawçı grek matbuğatı “Törek kügendä qoş ta xätta oçmas”, - dip yazıp çıqtı.

“Haber Türk” gazetı: “Äfäs borınğı qalası berençe 7 ayda iñ küp keşe qabul itkän muzey”

İzmirneñ Sälçuk ilçäsendä (районында) här yıl küp sanda turist gizgän Äfäs borınğı qalası ğıynwar-iyül’ aylarında 1 million 444 meñ 405 turistnı qabul itte. Bu räweşle Äfäs borınğı qalası Törkiyädä berençe 7 ayda cirle häm çit il keşe sanın arttırıp, iñ küp keşe qabul itkän muzey buldı.