Törek matbuğatına küzätü 08.08.2024
Qayber törek basmalarına küzätü
“Hürriyet” gazetı yazğança Törkiyä BMO Xalıqara mäxkämäsenä İzrailgä qarşı açılğan mäxkämä êşendä qatnaşu ğarizasın tapşırdı. Tışqı êşlär ministrı Xaqan Fidan bolay dip belderde: “Genośid belän bäyle bularaq xalıqara cämäğat’çelekkä cawaplılıq töşä. İzrail häm anı xuplawçılarğa kiräkle basımnı yasarğa tiyeş.”
“Yeni Şafak” basması beldergänçä Törkiyä parlamentı başlığı Numan Kurtulmuş Törkiyäneñ BMO Xalıqara mäxkämäsendä keşe üterüçe İzrailgä qarşı açılğan mäxkämä barışında qatnaşu ğarizasın tapşırğannan belderü yasadı. “Netan’yaxu häm bandası başqarğan cinayät’läre arqasında layıq bulğan cäzağa xökem itelüe öçen êşçänleklärebezne däwam itteräçäkbez,” – dide ul.
“Sabah” gazetı xäbärenä kürä Transport häm asqorıma ministrı Abdulkadir Uraloğlu iyul’ ayına qarağan oçqıç, yulçı häm yök statistikaların açıqladı. Aêroportlarda 7 ayda yaqınça 130 million yulçığa xezmät kürsätelde. Bu çorda 1 million 306 484 oçqıç xäräkäte küzätelgän.
“Star” basması citkergänçä Saqlanu sänägäte başqarma komitetı, hawa sistemalarınıñ integral’ êşläwen küzallawçı cirle häm milli “Qorıç gömbäz” proyektınıñ çınğa aşırıluına qarar birde. Yasalma intellekt belän küätländerelgän proyekt cirle häm milli saqlanu sänägäte şirkätläreneñ urtaq êşçänlekläre belän alıp barılaçaq.
“Haber Türk” gazetı yazğança Säwdä ministrı Ömär Bolat êksportnıñ bıyıl üsüen belderde. Ministr yıl azağı öçen 267 milliard dollarlık êksport maqsat itülären, soñğı 12 aylıq êksportnıñ 261 milliard yarım dollarğa citüen, monıñ rekord buluın äytte.
