Төрeк мaтбугaтынa күзәтү - Törek matbuğatına küzätü 05.08.2024
5нчe августта бaсылып чыккaн кaйбeр төрeк гaзeтлaрынa күзәтү / 5nçe avgustta basılıp çıqqan qayber törek gazetlarına küzätü
“Hürriyet” gazetı: "Fidan Räfah çik buyı qapqasında kisätte: “Basımnı arttırırğa tiyeşbez”"
Tışqı êşlär ministrı Xaqan Fidan Räfah çik buyı qapqası yanında yasağan belderüendä: “Ägär bergäläşep şuşı ütereşne biredä tuqtatmasaq keşelek bularaq bu ütereşneñ urtağı bulaçaqbız. Şuña kürä qulıbızdan kilgän böten yärdämne kürsätergä tırışırğa tiyeşbez. İzrailgä qarşı böten basımnı arttırırğa tiyeşbez”, - dip äytte.
“Yenişafak” gazetı: "Tışqı êşlär ministrlığı watandaşlarnı Livan öçen kisätte"
Tışqı êşlär ministrlığı watandaşların mäcbüri säbäp bulmıy torıp Livanğa säyäxät itmäw, Livanda buluçılarnıñ da kommerśiya oçışları däwam itkän çaqta ildän kitü mäs’äläsendä kisätte.
“Star” gazetı: "Tarixi almaşuğa dönyadan maqtaw"
MİT Milli küzläw oyışmasınıñ uzğan atnada citäklägän tarixi almaşu operaśiyäse dönyada zur yañğıraş uyandırdı. AQŞnıñ töşençä oyışması “Atlantic Council” yasalğan äsir almaşuınıñ Törkiyäneñ Könbatış häm Rusiyägä qağılışlı tigezlek, balans säyäsäten tänqıyt’läwçe illär öçen sabaq üzençälegenä iyä buluın belderde.
“Sabah” gazetı: "Turizm märkäzendä ike rekord quyıldı"
Transport häm asqorma ministrı Abdulkadir Uraloğlu Antaliyä hawa mäydanında 3nçe avgust könendä ber meñ 217 oçqıç xäräkätenä häm 223 meñ 217 yulçığa xezmät kürsätelep, böten waqıtlarnıñ häm oçqıç xäräkäte häm dä yulçı sanı rekordınıñ quyıluın belderde.
“Habertürk” gazetı: "Kuzäy Tunçälli, rekord quyıp, Olimpiadanıñ bişençese buldı"
Milli yözüçe 16 yäşendäge Kuzäy Tunçälli Parij 2024 Olimpiada uyınnarında 1 meñ 500 metr irekle stil’dä 5nçe buldı häm 14.41.22lek däräcäse belän yäş’lär arasında dönya rekordın quydı.
